'मी पुन्हा येईन..' वर देवेंद्र फडणवीस यांचं स्पष्टीकरण, म्हणालेत..

'मी पुन्हा येईन, मी पुन्हा येईन..' हे वाक्य आणि देवेंद्र फडणवीस यांना जेवढं ट्रोल केलं गेलं, तेवढं कदाचित कुणालाच ट्रोल केलं गेलं नसेल. असा एकही सोशल मीडिया प्लॅटफॉर्म नसेल ज्यावर याचं पारायण झालं नसेल. यावर आता महाराष्ट्राचे माजी मुख्यमंत्री देवेंद्र फडणवीस यांनी स्वतः स्पष्टीकरण दिलंय. एका मराठी वृत्तवाहिनीला दिलेल्या मुलाखतीत देवेंद्र फडणवीस यांनी  'मी पुन्हा येईन, मी पुन्हा येईन..' बद्दल खुलासा केलाय.   

महत्त्वाची बातमी : अजित पवारच आमच्याकडे आले होते; सत्तानाट्यानंतर फडणवीसांची पहिली मुलाखत

देवेंद्र फडणवीस यांना, भाजपला अतिआत्मविश्वास नडला का? यावर उत्तर देताना फडणवीस यांनी उत्तर दिलं. 'मी पुन्हा येईन' ही कवितेची ओळ आहे. विधानसभेतील भाषणात मी त्याचा उल्लेख केला होता. लोकांना ही ओळ लोकांना भावली, त्यामुळे सर्वत्र पसरली. त्यामुळे  'मी पुन्हा येईन' ही माझी घोषणा म्हणजे माझा गर्व नव्हता, असं माजी मुख्यमंत्री देवेंद्र फडणवीस यांनी म्हटलंय. 

गेल्या पाच वर्षात मी एकही सुट्टी न घेता महाराष्ट्रातील जनतेची सेवा केलीये, याचं मला समाधान आहे. 'मी पुन्हा येईन' बोलण्यामागे महाराष्ट्रातील जनतेची सेवा करणे एवढाच हेतू होता, असं देखील माजी मुख्यमंत्री देवेंद्र फडणवीस म्हणालेत.

महत्त्वाची बातमी :  दुर्मिळ सागरी प्राण्यांच्या संवर्धनासाठी आता मिळणार अनुदान, कसं..   

महाराष्ट्रात विधानसभा निवडणुकीनंतर जे सत्तानाट्य झालं ते सर्व महाराष्ट्राने पाहिलं. यानंतर पहिल्यांदाच देवेंद्र फडणवीस यांनी अशा प्रकारची सविस्तर मुलाखत दिलीये. यामध्ये फडणवीस यांनी अजित पवार यांनी घेतलेल्या उपमुख्यमंत्रिपदाची शपथ यासह अन्य महत्त्वाच्या विषयांवर भाष्य केलंय. 

Webtitle : reaction of devendra fadanavis on mi punha yein statement