शिक्षणमंत्र्यांना पदावरून हटवा! 'ट्विटर'वर पालकांचे मतदान सुरू

मुंबई : विद्यार्थ्यांच्या प्रश्‍नांवर शिक्षणमंत्री आपल्या समस्यांबाबत ठोस निर्णय घेत नसल्याने राज्यभरातील पालक त्यांना पदावरून हटविण्याची मागणी करू लागले आहेत. ट्विटरवरून पालकांनी शिक्षणमंत्री वर्षा गायकवाड यांना पदावरून हटवण्यासाठी मतदान सुरू केले आहे. मतदानाला पालकांकडून मोठा प्रतिसाद मिळत आहे. 

आठ वर्षांनी मिळाले चोरीला गेलेले दागिने; दिव्यातील घाग कुटुबीयांना सुखद धक्का 

कोरोनाच्या पार्श्‍वभूमीवर शाळा बंद असल्याने विद्यार्थ्यांना ऑनलाईन शिक्षण देण्यात येत आहे. लॉकडाऊनच्या कालावधीत शाळांनी पालकांकडून अतिरिक्त शुल्क घेतले. ते भरण्यासाठी पालकांच्या मागे तगादा लावला. त्याबाबत पालकांनी शिक्षण मंत्र्यांकडे आणि शिक्षण विभागाकडे तक्रारी केल्या; परंतु त्याची दखल घेतली गेली नसल्याचा आरोप पालकांनी केला. त्यामुळे पालकांनी शिक्षण राज्यमंत्री बच्चू कडू यांच्याकडे आपली गाऱ्हाणी मांडली. राज्यमंत्र्यांनी शाळांची तपासणी करण्याचे निर्देश दिले; परंतु त्याला शिक्षण विभागाने स्थगिती दिली, असा आरोप होऊ लागला आहे. 

ऑनलाईन शिक्षण सुरू असल्याने पालकांकडून शालेय शुल्क कमी करण्याची मागणी होत आहे. त्याबाबतही शिक्षण विभागाकडून निर्णय घेण्यात येत नसल्याने पालक संतप्त झाले आहेत. 

पहेले मंदिर फिर सरकार असे म्हणणारे मंदिरे खुली करण्याबाबत गंभीर नाही

रिट्विटचे प्रमाण मोठे 
शिक्षणमंत्री केवळ आश्‍वासनेच देत असल्याने पालकांनी त्यांना पदावरून हटविण्यासाठी ट्विटरवर मोहीम उघडली आहे. मोहिमेला पालकांकडून मोठा प्रतिसाद मिळत असल्याने शिक्षण मंत्र्यांविरोधातील संताप व्यक्त आहे. एमआयटी पुणे पालकांनी केलेले ट्विट मोठ्या प्रमाणात रिट्विट होत आहे. 

Remove Education Minister Parents start voting on Twitter
-------------------------------------------------------

( संपादन - तुषार सोनवणे )