TRP स्कॅम : रिपब्लिक टीव्हीच्या CFO यांची आज चौकशी, पाच जणांना पोलिसांचा समन्स

मुंबई : मुंबई पोलिसांनी टीव्ही चॅनल्स बाबतचा एक मोठा घोटाळा उघड केलाय. आपला जाहिरात महसूल वाढवण्यासाठी काही चॅनल्सकडून TRP मॅनेज केला जात असल्याची धक्कादायक माहिती मुंबई पोलिसांनी पत्रकार परिषद घेऊन दिली होती.

यामध्ये फक्त मराठी आणि बॉक्स सिनेमा या दोन लहान चॅनलचे नाव समोर आलंय आणि रिपब्लिक टीव्हीचंही यामध्ये नाव समोर आलेलं आहे. त्यानंतर तपास करत आता फेक टीआरपीप्रकरणी गुन्हे शाखेने रिपब्लिक टीव्हीचे मुख्य वित्तीय अधिकारी (सीएफओ) शीवा सुब्रमण्यम सुंदरम यांना गुन्हे शाखेने समन्स धाडला आहे. 

समन्सनुसार आज सकाळी 11 च्या सुमारास त्यांना गुन्हे शाखेच्या कार्यालयात उपस्थित राहण्यात सांगितले आहे. याशिवाय दोन जाहिरात कंपनीसह दोन मराठी वाहिन्यांच्या अकाउंटंटलाही याप्रकरणी पोलिसांनी समन्स पाठवले आहेत.

मुंबई पोलिसांनी टीआरपी मिळवण्याच रॅकेट उध्वस्त केलं असून त्यात रिपब्लिक टीव्ही, फक्त मराठी आणि बॉक्स सिनेमा ही तीन चॅनेल्स आहेत. या चॅनलनी खोटा टीआरपी मिळवला होता असं मुंबई पोलिसांच्या तपासात उघडकीस आलंय.

महत्त्वाची बातमी : लॉकडाउनमुळे राज्यातील वीज वापर घटला; अनलॉकनंतरही विजेच्या मागणीत वाढ नाही

माध्यमांचा टीआरपी बीएआरसी नावाची संस्था ठरवत असते. बीएआरसीने हे कंत्राट हंसाा नावाच्या संस्थेला दिलं होतं. मात्र हंसा कंपनीतील कर्मचाऱ्यांना हाताशी धरून या तीन वाहिन्यांनी हा गैर प्रकार केल्याचे समोर आले आहे.  जून महिन्यात आरोपींचा हा सहभाग निश्चित झाल्यनंतर दोन कर्मचाऱ्यांना हंसाा कंपनीने काढून टाकले होते.

या खोट्या टिआरपी विरोधात हंसा कंपनीने गुन्हा नोंदवल्यानंतर दोन आरोपींना काल चौकशीसाठी बोलावले होते. या दोघांनी चौकशीत हे खोट्या टिआरपीच्या रँकेटची कबूली दिली. त्यानुसार  मुंबई पोलिसांच्या सीआयूच्या पथकाने दोघांना अटक केली होती. आता याप्रकरणी गुन्हे शाखेने रिपब्लिक टीव्हीचे सीएफओ सुब्रमण्यम यांना उद्या गुन्हे शाखेच्या कार्यालयात उपस्थित राहण्यासाठी समन्स पाठवले आहे. याशिवाय रिपब्लिकसाठी काम करणा-या दोन जाहिरात कंपनी यांनाही गुन्हे शाखेने याप्रकरणी समन्स पाठवले आहे. तसेच बॉक्स सिनेममा व फक्त मराठी या वाहिन्यांच्या अकाउंटंट यांनाही गुन्हे शाखेने समन्स पाठवले आहे.

गुन्हे शाखेच्या तपासानुसार, रिपब्लिक भारत बरोबरच फक्त मराठी आणि बॉक्स ऑफिस हे दोन चॅनेल्ससुद्धा फेक टीआरपी प्रकरणात अडचणित आले आहेत..फक्त मराठी आणि बॉक्स ऑफिस चॅनेलच्या मालकांना मुंबई पोलिसांनी बेड्या ठोकलेल्या आहेत मात्र रिपब्लिक चॅनेल्सच्या मॅनेजमेंटची चौकशी करून पुढील कारवाई करणार असल्याचे पोलीस आयुक्त परमबीर सिंग म्हणालेत. मुंबईतील 1800 घरामध्ये पैसे देऊन हे चॅनेल्स चालू ठेवावेत अस सांगण्यात आलं होतं त्यानुसार हा टीआरपी वाढवण्यात हातभार लावण्यात आला. महिन्याला 400 ते 500 रुपये या लोकांना देऊन टीआरपी वाढवण्यात आला.

( संपादन - सुमित बागुल )

Republic TVs CFO to face interrogation today police summons five people