मनसुख हिरेन हत्या कटाचा सूत्रधार प्रदीप शर्मा : एनआयए

मुंबई: अँटेलिया स्फोटक प्रकरणातील व्यावसायिक मनसुख हिरेन हत्या कटाचा खरा सूत्रधार माजी पोलिस अधिकारी प्रदीप शर्मा आहे. बडतर्फ पोलिस निरीक्षक सचिन वाझेने त्याला तब्बल ४५ लाख रुपयांची सुपारी दिली होती, असा खळबळजनक दावा आज ‘एनआयए’ने मुंबई उच्च न्यायालयात केला आहे.

अनेकदा पोलिस आयुक्तांच्या कार्यालय परिसरातच अनेक बैठका घेण्यात आल्या. वाझेने त्या कामासाठी त्याला सुमारे ४५ लाख रुपये दिल्याचा दावाही करण्यात आला आहे. मागील वर्षी ५ मार्चला हिरेनयांचा मृतदेह ठाणे खाडीत आढळला होता.