Samruddhi Highway : समृध्दी महामार्गावर लवकरच आयटीएमएस प्रणाली; एन्ट्री, एक्झिट, टोलवसुली आणि वाहतुकीचे नियम मोडणाऱ्यावर राहील करडी नजर

मुंबई - हिंदुहृदयसम्राट बाळासाहेब ठाकरे महाराष्ट्र समृद्धी महामार्गावरील वाढते अपघात आणि मृत्यूची संख्या बघता लवकरच सध्यस्थितीत सुरू असलेल्या महामार्गावरील क्षेत्रात इंटेलिजंट ट्रॅफिक मॅनेजमेंट सिस्टिम (आयटीएमएस) बसवण्यात येणार आहे. ज्यामध्ये एकूण २०३ किलोमीटरच्या महामार्गावर ८० सीसीटिव्ही असणार आहे. ज्यासाठी १,४०० कोटी रुपये खर्च प्रस्तावित करण्यात आला आहे.

लेन कटिंग, ओव्हरस्पीड, टोलनाक्यांवरील एन्ट्री, एक्झिट आणि टोलच्या वसुलीवर सीसीटीव्ही कॅमेरांच्या माध्यमातून नजर ठेवली जाणार आहे. पहिल्या टप्यात छत्रपती संभाजीनगर, बुलडाणा आणि जालना या जिल्ह्यांतून जाणाऱ्या २०६ किलोमीटर अंतरात ८० सीसीटीव्ही कॅमेरे लावण्यात येणार आहेत. त्याचे लोकेशनही नीच्छित केले आहे.

ज्यामध्ये एकूण २०६ किलोमिटर मध्ये ८० सीसीटिव्ही राहणार असून, त्यापैकी औरंगाबाद ११२ किलोमिटर ५० सीसीटिव्ही त्याप्रमाणे जालना ४२.५ किलोमिटर १९ आणि बुलढाणा ५२.५ किलोमिटर ११ सीसीटिव्ही लावण्यात येणार आहे.