कंत्राट मिळविण्याच्या वादातून सीवूड्समध्ये तरुणावर हल्ला; गुन्हा दाखल

पाच पसार हल्लेखोरांवर गुन्हा दाखल
attempt to murder
attempt to murder sakal media

नवी मुंबई : सीवूड्स रेल्वेस्थानक (Seawood railway station) परिसरात सुरू असलेल्या बांधकामाच्या ठिकाणी साहित्य पुरविण्याचे कंत्राट (contract) मिळविण्याच्या वादातून पाच हल्लेखोरांनी ब्रिजेश पाटील (brijesh patil) याच्यावर भररस्त्यात धारदार हत्याराने प्राणघातक हल्ला (attack) करून पलायन केल्याची घटना शनिवारी रात्री सीवूड्स येथील ग्रँड सेंट्रल मॉलसमोर (Grand central mall) घडली.

attempt to murder
मालाडमध्ये इस्टेट एजंटची गळफास घेऊन आत्महत्या; तिघांवर गुन्हा दाखल

या हल्ल्यात ब्रिजेश पाटील गंभीर जखमी झाला असून, त्याच्यावर अपोलो रुग्णालयात उपचार सुरू आहेत. या घटनेनंतर एनआरआय पोलिसांनी हल्लेखोर मिलिंद भोईर याच्यासह पाच जणांविरोधात गुन्हा दाखल करून त्यांचा शोध सुरू केला आहे. या घटनेतील जखमी ब्रिजेश पाटील व त्याच्यावर हल्ला करणारे आरोपी मिलिंद भोईर, मनोहर नाईक व इतर हे सर्व नेरूळच्या करावे गावात राहतात.

सर्वजण माथाडी टोळीशी संबंधित असून, त्यांनी सीवूड्स येथील ग्रॅँड सेंट्रल मॉलमधील विविध प्रकारच्या कामाची कंत्राटे मिळविली आहेत. मॉलमधील काम मिळवण्यावरून या टोळ्यांमध्ये पूर्वीपासून वाद असून, त्यांच्यामध्ये यापूर्वीही भांडण झाले आहे. सध्या सीवूड्स रेल्वेस्थानक परिसरात एल अँड टी कंपनीमार्फत इमारत व इतर बांधकामाची कामे सुरू असून, या ठिकाणी बांधकाम साहित्य पुरविण्याचे कंत्राट मिळवण्याच्या प्रयत्नात आरोपी मिलिंद भोईर होता; मात्र हे कंत्राट ब्रिजेश पाटील याने मिळविल्याने मिलिंद भोईर व त्याच्यामध्ये वाद सुरू होता.

ब्रिजेश पाटील याने कंत्राट घेऊ नये, यासाठी मिलिंद भोईर व त्याचे साथीदार त्याच्यावर दबाव आणत होते; मात्र ब्रिजेश पाटील त्यांचे काहीक ऐकण्याच्या मनस्थितीत नव्हता. त्यामुळे संतापलेल्या मिलिंद भोईर व त्याच्या साथीदारांनी शनिवारी रात्री ब्रिजेश पाटील याला सीवूड्स येथील ग्रँड सेंट्रल मॉलसमोर भररस्त्यात गाठून त्याच्यावर प्राणघातक हल्ला केला. घटनेचा व्हिडीओ सध्या सोशल मीडियावर व्हायरल झाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com