मुंबई मा जलेबी ना फाफडा, उद्धव ठाकरे आपडा म्हणत शिवसेनेचा आज गुजराती मेळावा

पूजा विचारे
Sunday, 10 January 2021

आज मुंबईत शिवसेनेचा गुजराती समाजासाठी मेळावा आयोजित करण्यात आला आहे.

मुंबईः  आज मुंबईत शिवसेनेचा गुजराती समाजासाठी मेळावा आयोजित करण्यात आला आहे. अंधेरी-ओशिवरा येथील गुजरात भवनातील नवनीत हाँलमध्ये हा मेळावा सकाळी १० वाजता होणार आहे. या मेळाव्यात १०० गुजराती व्यापारी उपस्थित रहाणार आहेत. यावेळी ११ गुजराती उद्योगपती शिवसेनेचे राष्ट्रीय संघटक हेमराज शहा यांच्या उपस्थितीत शिवसेनेत पक्ष प्रवेश करणार आहेत.

गेल्या आठवड्यात मुंबई मा जलेबी ना फाफडा, उद्धव ठाकरे आपडा’ असं म्हणत शिवसेनेनं पुन्हा एकदा मुंबईतल्या गुजराती बांधवांना साद घातली. पुढच्या वर्षी मुंबई महापालिकेची निवडणूक होणार आहे. त्यासाठी सर्वच राजकीय पक्षांनी जोरदार मोर्चेबांधणी सुरु केली आहेत. त्यात सत्ताधारी शिवसेनेनंही पालिकेच्या निवडणुकीसाठी कंबर कसली आहे. शिवसेनेनं मुंबईसह राज्यातील गुजरात मतदारांपर्यंत पोहोचण्यासाठी प्रयत्न सुरु केल्याचं दिसतंय.

मुंबई विभागातल्या ताज्या बातम्या वाचण्यासाठी येथे क्लिक करा.

शिवसेनेनं १० मनपा निवडणुकीच्या तयारीसाठी शिवसेनेची गुजराती लोकांना जागृत करण्याची आगळी वेगळी मोहीम राबवली आहे. त्यासाठी शिवसेना गुजराती बांधवांचा मेळावा आयोजित केला आहे.  मुंबई मा जलेबी ना फाफडा, उद्धव ठाकरे आपडा या मथळ्याखाली हा मेळावा होत आहे.

हेही वाचा- मिरा-भाईंदर पालिकेकडून 100 कोटींची करवसुली; गतवर्षाच्या तुलनेत 20 कोटींहून अतिरिक्त महसूल

शिवसेना संघटक हेमराज शाह यांच्यावर गुजराती मतदारांना सेनेकडे वळवण्याची जबाबदारी सोपवण्यात आली आहे. या मेळाव्यासाठी गुजराती आणि मराठी भाषेत निमंत्रण पत्रक देखील छापण्यात आली आहेत.

वरळी मतदारसंघात आदित्य ठाकरेंचं केम छो वरळी 

आदित्य ठाकरे वरळी विधानसभा मतदारसंघातून निवडणूक लढले होते. त्यावेळी त्यांनी लावलेल्या बॅनर्सची चर्चा चांगली रंगली होती. वरळीतून आदित्य यांची उमेदवारी घोषित केल्यानंतर अमराठी मतदारांना आकर्षित करण्यासाठी शिवसेनेकडून केम छो वरळी असे गुजराती भाषेतले पोस्टर्स लावण्यात आले होते. 

Shivsena meet Jogeshwari gujarati bmc election 2022 ma jalebi na fafda uddhav thackeray apda


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Shivsena meet Jogeshwari gujarati bmc election 2022 ma jalebi na fafda uddhav thackeray apda