डोंबिवली : कल्याण पश्चिमेतील खडकपाडा साई चौक परिसरात भाजी विक्री करणाऱ्या एका महिलेला मद्यपान करून आलेल्या एका व्यक्तीने "तू बांगलादेशी आहेस, पुरावे दाखव नाहीतर तुला इकडून हाकलून देईल," असे म्हणत भररस्त्यात शिवीगाळ केली. घाबरलेल्या महिलेने त्वरित खडकपाडा पोलिसांनी संपर्क केला मात्र वेळेत पोलीस न आल्याने संतप्त झालेल्या नागरिकांनीच सदर व्यक्तीला चोप दिला. त्या मद्यधुंद व्यक्तीने तेथून पळ काढला. गुरुवारी रात्री 9 च्या सुमारास ही घटना घडली असून पोलीस तपास करत आहेत.