विरार - गोकुळ टाऊनशिप विरार (प.) येथे राहणाऱ्या कु. अमृता अमोल गुरव या विद्यार्थ्यीनीनी दहावीच्या परीक्षेत प्रतिकूल परिस्थितीत अभूतपूर्व यश मिळवले आहे..जॉन २३ वे मराठी शाळा आगाशी शाळेत इयत्ता पाचवीला असताना अमृताला कॅन्सरच्या आजाराचे निदान झाले. अतिशय वेदनादायक उपचार चालू झाले, मात्र शिकण्याची दृदम्य इच्छा आणि जिद्द या जोरावार अमृताने आपलं शिक्षण चालूच ठेवले, आईवडिलांचा पाठिंबा आणि आपल्या बहिणी सोनाली व अंकिता यांच्या मार्गदर्शनाखाली तिने आपलं शिक्षण चालू ठेवले..डॉक्टरांनी विश्रांती घ्यायला सांगूनही अमृता नेटाने, सातत्याने अभ्यास करीत राहिली. आणि दहावीची परीक्षा द्यायचीच या जिद्दीने घरात हट्ट करून उत्कर्ष महाविद्यालय विरार पश्चिम येथे १७ नंबरचा फॉर्म भरून अभ्यास सुरू केला. आणि दहावीच्या परीक्षेत तिला ८०.२० % गुण मिळाले आहेत..आपल्या या यशात आपले वडील अमोल गुरव, आई अनिता गुरव, दोन्ही बहिणी, मार्गदर्शन करणारे उत्कर्ष महाविद्यालाचे मुख्याध्यापक ,शिक्षक तसेच इयत्ता पाचवीपासून सातत्याने पाठपुरावा, सहकार्य करणारे जॉन २३वे मराठी शाळा, आगाशी शाळेचे मुख्याध्यापक व शिक्षक यांचा मोलाचा वाटा असल्याचे तिने सांगितले आहे. अमृताची जिद्द चिकाटी आदर्शवत असून तिच्या या यशाबद्दल सर्व स्तरातून अभिनंदन होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
