भाजप खासदाराचा शरद पवारांना टोला; राममंदिराच्या भूमिकेवरुन रणकंदन सुरू...

मुंबई : पंतप्रधान नरेंद्र मोदी यांनी राममंदिराचे भूमिपूजन केल्याने कोरोना संपणार नाही, या ज्येष्ठ नेते शरद पवार यांच्या विधानावर उत्तर मुंबईचे भाजप खासदार गोपाळ शेट्टी यांनी टीका केली आहे. महाराष्ट्रातील कोरोनाचा फैलाव कमी करण्यासाठी पवार यांनी व राज्य सरकारमधील अन्य धुरीणांनी आपला इगो बाजूला ठेऊन मोदी यांची मदत घ्यावी, असेही शेट्टी यांनी म्हटले आहे. 

शरद पवारांच्या वरील विधानामुळे आपण आश्चर्यचकीत झालो आहोत. शरद पवार हे मोठे नेते आहेत, मात्र राममंदिराच्या भूमिपूजनामुळे कोरोनाही जाईल व 2024 च्या निवडणुकीत विरोधकांच्या जागाही कमी होतील, याची जाणीव पवारांनाही आहे, असेही शेट्टी यांनी म्हटले आहे. 

जेएनपीटीतील बहुचर्चित 'SEZ' उभारणीबाबत महत्वपूर्ण निर्णय, रोजगार निर्मितीच्या आशा पल्लवीत

हिंदू, मुस्लीम, ख्रिस्ती वा कोणत्याही समाजाचे लोक असले तरी ते संकटात सापडले की देवाचाच धावा करतात, आपापल्या देवाची पूजा करतात. शरद पवार देवपूजा करतात की नाही हे आपल्याला ठाऊक नाही, पण जगातील कोणत्याही धर्माला मानणारे लोक संकटात देवाची आठवण काढतातच. अशा वेळी शरद पवार यांनी असे विधान करणे योग्य नाही. खरे पाहता पवारांच्याच इशाऱ्याने व मार्गदर्शनाने महाराष्ट्राचे सरकार चालले आहे, तरीही महाराष्ट्रात कोरोनाचा फैलाव वाढतोच आहे. तुम्ही तीन पक्षांनी मिळून यावर गंभीरपणे कृती करावी. अरविंद केजरीवाल यांनी जशी पंतप्रधान मोदी व अमित शहा यांची मदत घेऊन दिल्लीत कोरोनावर नियंत्रण ठेवले तसे तुम्हीही सारे इगो बाजूला ठेवून मोदींना विनंती करा व महाराष्ट्रात कोरोनाचा फैलाव कसा कमी होईल, यासाठी प्रयत्न करा, असेही शेट्टी यांनी सांगितले आहे. 

सर्वसामान्यांचं शोषण थांबवा, भाजप नेते संतापले; थेट आरोग्यमंत्र्यांना पाठवलं पत्र

तारीख सांगितली बरं का....
शिवसेना नेते संजय राऊत यांच्या संबंधित अग्रलेखाचाही शेट्टी यांनी यावेळी समाचार घेतला आहे. मंदिर वही बनाएंगे पर तारीख नही बताएंगे, अशी टीका शिवसेना केंद्रात सत्तेत असतानाही राऊत करीत असत. आता मोदीजींनी राममंदिराच्या भूमीपूजनाची तारीख सांगितली असल्याने आता राऊत तुम्ही अयोध्येत पाया पडायला कधी जाता, असेही शेट्टी यांनी विचारले आहे. त्यामुळे राज्यातील लोकांची रोगप्रतिकारशक्ती वाढेल व राज्यातील कोरोनाचा फैलाव कमी होण्यास मदत होईल, अशी उपरोधिक टीकाही शेट्टी यांनी केली आहे.

---------------------------------------------------

Edited by Tushar Sonawane