Threat Call : मीरा भाईंदरमध्ये बॉम्बस्फोट घडवू; मध्यरात्री मुंबईच्या सहआयुक्तांना फोन

Threat Call To Joint Commissioner Of Mumbai Police : मुंबईत गेल्या काही दिवसांपासून बॉम्बस्फोट घडवून देण्याच्या धमक्या सातत्याने दिल्या जात आहे.

हेही वाचा : अल्पमतातील निवाडे आणि सामान्य माणूस

सततच्या धमक्यांमुळे मुंबई पोलीस दल सतर्क झाले आहे. त्यात आता मुंबईच्या सहआयुक्तांना मध्यरात्री एका व्यक्तीने मीरा भाईंदरमध्ये स्फोट घडवून आणू अशी धमकी दिली आहे. या घटनेमुळे खळबळ उडाली आहे.

याबाबत अधिक माहिती अशी की, मुंबई पोलीस दलाचे सहआयुक्तांना मध्यरात्री दोन वाजता यशवंत माने नावाच्या व्यक्तीने फोन केला. यावेळी मीरा भाईंदरमध्ये बॉम्बस्फोट घडवून आणू असा इशारा देण्यात आला आहे.

दरम्यान, फोन करणाऱ्या व्यक्तीने हा स्फोट मीरा भाईंदर परीसरात नेमक्या कोणत्या परिसरात आणि कधी केला जाईल याबाबत कोणताही खुलासा केलेला नाही.

त्यामुळे पोलिसांना सतर्क राहण्याच्या सूचाना देण्यात आल्या असून, फोन करणाऱ्या व्यक्तीने नेमकं कुणाच्या सांगण्यावरून हा फोन केला आहे. तसेच ही व्यक्ती एखाद्या दहशतवादी संघटनेशी संबंधित आहे का याचा तपास मुंबई पोलिसांकडून सुरू करण्यात आला आहे.