एनसीबीकडून आरोपपत्र दाखल करण्यासाठी मुदतवाढीची मागणी | Sakal
sakal

बोलून बातमी शोधा

एनसीबीकडून आरोपपत्र दाखल करण्यासाठी मुदतवाढीची मागणी
एनसीबीकडून आरोपपत्र दाखल करण्यासाठी मुदतवाढीची मागणी

एनसीबीकडून आरोपपत्र दाखल करण्यासाठी मुदतवाढीची मागणी

sakal_logo
By

आर्यन खान प्रकरण ः

सकाळ वृत्तसेवा
मुंबई, ता. ३० : आर्यन खान विरोधातील अमलीपदार्थ प्रकरणात आरोपपत्र दाखल करण्यासाठी आणखी नव्वद दिवसांची मुदतवाढ देण्याची मागणी करणारा अर्ज एनसीबीने विशेष एनडीपीएस न्यायालयात केला आहे. बुधवारी विशेष न्यायालयात यावर एनडीपीएसच्या वतीने युक्तिवाद करण्यात आला. एनडीपीएस कायद्यातील कलम ३६ अ (४) प्रमाणे १८० दिवस पूर्ण होण्यापूर्वी ही मुदतवाढ मागण्यात आली आहे.

नियमित कालावधीनुसार येत्या शनिवारी ही मुदत संपणार आहे. याप्रकरणी एनसीबीने आर्यन खानसह एकूण २० आरोपींना अटक केली होती. यापैकी अटक झालेले दोन परदेशी नागरिक अद्याप कारागृहामध्येच आहेत. एनसीबीच्या अर्जावर विशेष न्यायालय गुरुवारी फैसला सुनावणार आहे. तपासयंत्रणेने याप्रकरणी जमा केलेले सर्व नमुने तपासणीसाठी पुण्याच्या न्यायवैद्यक प्रयोगशाळेत पाठविण्यात आले होते. ते सर्व १७ नमुने सायकोट्रॉपिक ड्रग चाचणीत पॉझिटिव्ह आले आहेत, आतापर्यंत एकूण ६९ साक्षीदारांचा जबाब नोंदविण्यात आला आहे. १० स्वतंत्र साक्षीदारांचा जवाब ही नोंदविला गेला असून अन्य ४ जणांचा जबाब नोंदवणे बाकी आहे. याशिवाय अन्य १५ संशयितांची चौकशी सुरू आहे. त्यामुळे आरोपपत्रासाठी ९० दिवसांची मुदतवाढ देण्यात यावी, अशी मागणी एनसीबीतर्फे करण्यात आली आहे. आर्यन विरोधात एनसीबीने गंभीर आरोप केले आहेत. त्याला उच्च न्यायालयाने जामीन मंजूर केला आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..