बेस्टचे मोबाईल देयक भरणा केंद्र सेवेत | Sakal
sakal

बोलून बातमी शोधा

बेस्टचे मोबाईल देयक भरणा केंद्र सेवेत
बेस्टचे मोबाईल देयक भरणा केंद्र सेवेत

बेस्टचे मोबाईल देयक भरणा केंद्र सेवेत

sakal_logo
By

सकाळ वृत्तसेवा

मुंबई, ता. ७ : बेस्टच्या वीज ग्राहकांना वीज देयकांचा भरणा सुलभ रीतीने करण्याच्या दृष्टीने ‘बीबीपीएस’ प्रणालीचा वापर करून मोबाईल देयक भरणा केंद्र सुरू करण्यात आले. मोबाईल व्हॅनमध्ये सुरू करण्याच आलेल्या या केंद्राचे लोकार्पण गुरुवारी कुलाबा आगार येथे बेस्टचे महाव्यवस्थापक लोकेश चंद्र यांच्या हस्ते करण्यात आले. ही प्रणाली राष्ट्रीय देयक महामंडळाद्वारे (एनपीसीआय) डिजिटल इंडिया इनिशिएटिव्ह अंतर्गत ‘एक्स पे’ या संस्थेच्या मदतीने सुरू करण्यात आली आहे.
वीज देयकांव्यतिरिक्त पाणी, मालमत्ता तसेच इतर महापालिका सेवा कर, फास्टटॅग रिचार्ज, गॅस, डीटीएच, क्रेडिट कार्ड, शैक्षणिक शुल्क, दूरध्वनी, भ्रमणध्वनी, केबल तसेच ब्रॉडबॅंडचे बिल बेस्टने सुरू केलेल्या मोबाईल व्हॅनद्वारे भरता येऊ शकते. अशी सेवा पुरविणारी बेस्ट ही भारतातील एकमेव संस्था असून देशामध्ये ही सेवा सर्वप्रथम बेस्ट उपक्रमाद्वारे सुरू करण्यात आल्याचा दावा प्रशासनाने केला आहे. लवकरच अशा आणखी चार मोबाईल व्हॅनद्वारे सदर सेवेचा विस्तार करण्यात येणार आहे. ही मोबाईल व्हॅन वरळी, अँटॉप हिल, शिवाजी पार्क, रे रोड, नायगाव भोईवाडा, कफ परेड, नाना चौक आणि कुलाबा येथील गीतानगर या ठिकाणी कार्यरत राहील. याप्रसंगी एनपीसीआय संस्थेच्या मुख्य कार्यकारी अधिकारी नुपूर चतुर्वेदी, एक्स संस्थेचे मुख्य कार्यकारी अधिकारी रोहित कुमार उपस्थित होते.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..