२०७ ठिकाणचा पाणीटंचाई आराखडा | Sakal
sakal

बोलून बातमी शोधा

२०७ ठिकाणचा पाणीटंचाई आराखडा
२०७ ठिकाणचा पाणीटंचाई आराखडा

२०७ ठिकाणचा पाणीटंचाई आराखडा

sakal_logo
By

महाड, ता.२४ (बातमीदार) : मागील वर्षी जुलै महिन्यात अतिवृष्टीमुळे महापुराचा तडाखा बसलेल्या महाड तालुक्याला आता पाणीटंचाईचा सामना करावा लागणार आहे. या वर्षी तालुक्यातील ३३ गावे व १७४ वाड्या अशा २०७ ठिकाणचा टंचाई निवारण आराखडा रायगड जिल्हाधिकारी यांच्याकडे मंजुरीसाठी सादर करण्यात आला आहे.

महाड तालुका हा डोंगराळ व दुर्गम तालुका असल्याने या तालुक्याला पाणीटंचाईची झळ मोठ्या प्रमाणात बसत असते. बहुसंख्य गावांमध्ये ग्रामीण पाणीपुरवठा योजना कार्यान्वित असतानाही केवळ पाण्याचे स्रोत आटत असल्याने अनेक ठिकाणी टँकरने पाणीपुरवठा करावा लागतो. गतवर्षी शंभर ठिकाणी प्रत्यक्षात टॅंकरने पाणीपुरवठा करावा लागला होता. या वर्षी महाड पंचायत समितीकडून ३३ गावे आणि १७४ वाड्या अशा दोनशे सात ठिकाणांसाठी आराखडा सादर करण्यात आला आहे. यामध्ये एप्रिल ते जून या कालावधीत टँकरने पाणीपुरवठा अधिक प्रमाणात करावा जाणार आहे. याशिवाय १०१ ठिकाणी विंधन विहीर खोदाई व विंधनविहीर दुरुस्तीचा कार्यक्रम देखील टंचाई निवारण आराखड्यात सामील करण्यात आला आहे. सुमारे ९७ लाखांचा हा टंचाई निवारण आराखडा पंचायत समितीकडून जिल्हाधिकारी कार्यालयाकडे मंजुरीसाठी सादर करण्यात आला आहे.

महाड तालुक्यांमध्ये सावित्री, गांधारी, काळ व नागेश्वरी या मोठ्या नद्या असूनही तालुक्याला दरवर्षी उन्हाळ्यात पाणीटंचाईला सामोरे जावे लागत आहे. मागील वर्षी जुलै महिन्यात अतिवृष्टीमुळे अनेक गावांत महापूर आला. एवढ्या मोठ्या प्रमाणात पर्जन्यवृष्टी होऊनही तालुक्यात या वर्षी पाणीटंचाईची झळ पोहचणार आहे.

पाणीटंचाईच्या झळा कायम
दरवर्षीच्या आराखड्यात असलेल्या तालुक्यातील पांगारीधार, रावतळी- मानेधार, कावळे धनगरवाडी, कुंभार्डे धनगरवाडी, पाचाड व पाट वाड्या, वाकी गाव व सहा वाड्या अशा काही गावांचे टंचाईचे नष्टचक्र या वर्षीही संपलेले नाही.

गावे ३३
वाड्या १७४
एकूण २०७

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top