नवनिर्माण समाज विकास केंद्रातर्फे जागतिक ग्राहक दिन

कांदिवलीत जागतिक ग्राहक दिन मालाड, ता. २५ (वार्ताहर) ः कांदिवलीच्या दामूनगर येथील नालंदा बुद्धविहारात नवनिर्माण समाज विकास केंद्र या सामाजिक संस्थेच्या वतीने जागतिक ग्राहक दिन साजरा करण्यात आला. या वेळी मुंबई उपनगर जिल्हा विधी सेवा प्राधिकरणाचे सचिव सतीश हिवाळे, नवनिर्माण समाज विकास केंद्र या संस्थेचे ट्रस्टी मनोहर राजगुरू, धनश्री जाधव यांची प्रमुख उपस्थिती होती. या वेळी मार्गदर्शन करताना प्राधिकरणाचे सचिव सतीश हिवाळे म्हणाले की, कोणत्याही प्रकाराच्या फसवणुकीबाबत मुंबई उपनगर जिल्हा विधी सेवा प्राधिकरणाकडे लेखी अर्ज करू शकता; मात्र हे करताना आपल्याकडे योग्य ती कागदपत्रे असली पाहिजेत. कोणतीही वस्तू खरेदी करताना पावती घेणे आवश्यक असून वस्तूची समाप्ती तारीख बघणे आवश्यक आहे, असेही ते म्हणाले. धनश्री जाधव यांनी नवनिर्माण संस्थेची माहिती उपस्थितांना दिली.