सिद्धार्थ कॉलनीत भीमा कोरेगावच्या विजयस्तंभाची प्रतिकृती

सिद्धार्थ कॉलनीत भीमा कोरेगावच्या विजयस्तंभाची प्रतिकृती घाटकोपर, ता. १ (बातमीदार) ः दरवर्षी भीमा कोरेगाव येथील विजयस्तंभासमोर नतमस्तक होण्यासाठी लाखो भीम अनुयायी जात असतात. प्रत्येक नागरिकास तेथे जाणे शक्य होत नसल्याने चेंबूर येथील शुद्धोधननगर, समतानगर सिद्धार्थ कॉलनीतील काही तरुणांनी पुढाकार घेऊन त्या विजयस्तंभाची प्रतिकृती उभी केली आहे. या कार्यासाठी तरुण कार्यकर्ते विनायक जाधव, विजय जावडेकर, अशोक कांबळे, राजू शिंदे, संजय कांबळे, विकास सावंत, रोहित कालपुंड, आनंद साळवे, अनिल हिरे, महिला कार्यकर्त्या शोभा कांबळे आदी कार्यकर्त्यांनी मेहनत घेतली. दिवसभरात विजयस्तंभाला हजारो अनुयायींनी मानवंदना दिली. ...