१३ लाखांना १० जानेवारी पासून बुस्टर डोस | Sakal
sakal

बोलून बातमी शोधा

१३ लाखांना १० जानेवारी पासून बुस्टर डोस
१३ लाखांना १० जानेवारी पासून बुस्टर डोस

१३ लाखांना १० जानेवारी पासून बुस्टर डोस

sakal_logo
By
१३ लाख नागरिकांना १० जानेवारीपासून बुस्टर डोस ओमिक्रॉनच्या पार्श्वभूमीवर पालिका अलर्ट सकाळ वृत्तसेवा मुंबई, ता. १ : कोविड प्रतिबंधक लसीकरणाच्या पहिल्या तीन टप्प्यांत लस घेतलेल्यांना मुंबईत १० जानेवारीपासून बुस्टर डोस देण्यास सुरुवात होणार आहे. वैद्यकीय कर्मचारी, फ्रंटलाईन वर्कर्स, सहव्याधीग्रस्त आणि ज्येष्ठ नागरिक अशा १३ लाख जणांना बुस्टर डोस देण्याची तयारी महापालिकेने केली आहे. १५ ते १८ वर्षे वयोगटातील विद्यार्थ्यांना सोमवार (ता. ३) पासून लस मिळण्यास सुरुवात होणार आहे. ओमिक्रॉनच्या पार्श्वभूमीवर बुस्टर डोस प्रतिबंधात्मक मानला जात आहे. पंतप्रधान नरेंद्र मोदी यांनी बुस्टर डोसबरोबरच विद्यार्थ्यांच्या लसीकरणाची घोषणा केली होती. त्यानुसार महापालिकेने १५ ते १८ वयोगटातील विद्यार्थ्यांच्या लसीकरणाचे नियोजन केले आहे. मुंबईतील नऊ जम्बो कोविड केंद्रांत या टप्प्यातील लसीकरणाची सोय करण्यात आली आहे. झोननुसार अधिकाऱ्यांनाही जबाबदारीचे वाटप करण्यात आले आहे. विद्यार्थ्यांना कोविन ॲपवर नोंदणीसह वॉकईन लस देण्याचीही सोय महापालिकेने उपलब्ध करून दिली आहे. १० जानेवारीपासून बुस्टर डोस देण्यास सुरुवात होणार आहे. त्यासाठी नोंदणीची प्रक्रियाही जाहीर करण्यात येणार आहे. यांना मिळणार बुस्टर डोस - १ लाख ८८ हजार आरोग्य कर्मचारी - १ लाख ५० हजार फ्रंटलाइन वर्कर्स - १० लाखांपेक्षा जास्त ज्येष्ठ आणि सहव्याधीग्रस्त
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top