मुंबई अहमदाबाद महामार्गावर कॉपर च्या ट्रकवर दरोडा टाकणारी ८ जणांची टोळी अटक | Sakal
sakal

बोलून बातमी शोधा

मुंबई अहमदाबाद महामार्गावर कॉपर च्या ट्रकवर दरोडा टाकणारी ८ जणांची टोळी अटक
मुंबई अहमदाबाद महामार्गावर कॉपर च्या ट्रकवर दरोडा टाकणारी ८ जणांची टोळी अटक

मुंबई अहमदाबाद महामार्गावर कॉपर च्या ट्रकवर दरोडा टाकणारी ८ जणांची टोळी अटक

sakal_logo
By
दरोडा टाकणारी आठ जणांची टोळी गजाआड नालासोपारा, ता. ४ (बातमीदार) : मुंबई-अहमदाबाद महामार्गावर विरार हद्दीत गुजरात मार्गावर हवा तपासण्यासाठी उभ्या असलेल्या कंटेनरवर दरोडा टाकणाऱ्या आठ जणांच्या टोळीला सोमवारी (ता. ३) अटक करून वसई न्यायालयात हजर केले असता त्यांना ११ जानेवारीपर्यंत पोलिस कोठडी सुनावण्यात आली आहे. दरोडा टाकून या टोळीने कंटनेरचालकाला कारमध्ये बसवून कंटेनर पळवला होता. मुदसर रहेमान (३०), आत्ताउर सिद्दिकी (३९), जावेद हजीज (३१), इजाहार मुस्तफा (३६), शेख मुनीर (२४ सर्व रा. मालेगाव), मोहम्मद राजू शेख (३८), सादिक हसन (२७), रशीद फारुखी (४३, सर्व रा. भिवंडी) अशी आरोपींची नावे आहेत. ३१ डिसेंबरच्या रात्री १० च्या सुमारास खानिवडे टोलनाक्यापासून ५०० मीटर अंतरावर हवा तपासण्यासाठी उभा असलेल्या कॉपरच्या कंटेनर चालकाला जबदस्तीने धमकावून चौघांनी त्याला कारमध्ये बसवले. त्यानंतर टोळीतील एकाने ८४ लाख तीन हजार किमतीचा कॉपरने भरलेला ट्रक घेऊन तेथून धूम ठोकली. याप्रकरणी विरार पोलिस ठाण्यात दरोड्याचा गुन्हा दाखल झाला होता. गुन्हे शाखा कक्ष- ३ विरारचे प्रभारी पीआय प्रमोद बडाख यांच्या पथकाने तपास करून पाच आरोपींना मालेगाव आणि तीन आरोपींना भिवंडी येथून अटक केली.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top