अर्नाळा येथील अनधिकृत मोबाईल टॉवर हटविण्याची नागरिकांची मागणी

अनधिकृत मोबाईल टॉवर हटवण्याची मागणी विरार, ता. ४ (बातमीदार) ः वसई तालुक्यातील अर्नाळा ग्रामपंचायतीच्या हद्दीत जीओ मोबाईल टॉवर बसवण्याचे काम सुरू आहे; मात्र स्थानिक नागरिक आणि जिल्हा परिषदेच्या शाळेने या टॉवरला विरोध दर्शवला आहे. पालिकेने या टॉवरवर कारवाई करावी, अशी मागणी करण्यात येत आहे. शाळेत शिकणाऱ्या विद्यार्थ्यांना टॉवरच्या रेडिएशनमुळे धोका आहे, अशी लेखी हरकत जिल्हा परिषदेच्या मुख्याध्यापकांनी अर्नाळा ग्रामपंचायतीकडे घेतली आहे. येथील सामाजिक कार्यकर्ते दिनेश सामंत यांनीदेखील प्रसिद्धिपत्रकाद्वावरे या टॉवरला विरोध केला आहे.