मोबाईल चित्रीकरण करणाऱ्यास अटक

मोबाईल चित्रीकरण करणाऱ्यास अटक नवीन पनवेल (वार्ताहर) : तरुणीचा पाठलाग करून आरोपीने मोबाईलमध्ये तिचे व्हिडीओ शूटिंग केले. याबाबतची विचारणा सदर तरुणीच्या मित्राने केल्यावर त्याला शिवीगाळ करून धमकावणाऱ्या इसमास पनवेल शहर पोलिसांनी अटक केली आहे. आज्ञान राठोड (वय २२) असे या तरुणाचे नाव असून त्याने लाइफलाइन हॉस्पिटलसमोर एका तरुणीचा पाठलाग केला. यानंतर तिच्याकडे एकटक पाहून स्वतःच्या मोबाईलमध्ये तिचे व्हिडीओ शूटिंग केले. सदर तरुणीच्या मित्राने विचारणा केल्यावर त्याला शिवीगाळ करून धमकावल्याबद्दलची तक्रार पनवेल शहर पोलिस ठाण्यात दाखल करण्यात आली. याप्रकरणी सपोनि मोनाली चौधरी यांनी सदर तरुणाविरोधात गुन्हा दाखल करून त्याला अटक केली आहे.