मुंबई : पोलीस हवालदाराची खलबत्याने ठेचून हत्या | mumbai crime update | Sakal
sakal

बोलून बातमी शोधा

murder
पोलिस हवालदाराची खलबत्याने ठेचून हत्या

मुंबई : पोलीस हवालदाराची खलबत्याने ठेचून हत्या

sakal_logo
By

डोंबिवली : एका व्यक्तीची पत्नी आणि मुलीनेच खलबत्याच्या दांड्याने ठेचून हत्या केल्याची घटना समोर आली आहे. प्रकाश बोरसे (Police prakash borse murder) असे मयताचे नाव असून ही व्यक्ती मुंबई पोलीस दलात (Mumbai Police) पोलिस हवालदार म्हणून कार्यरत होती. घरगुती वादातून ही हत्या झाल्याची प्राथमिक माहिती असून याप्रकरणी पत्नी व मुलीविरोधात कोळसेवाडी पोलिस ठाण्यात (kolsewadi police station) गुन्हा दाखल (police fir) करण्यात आला आहे. (police prakash borse killed by wife and daughter police fir in kolsewadi police station)

हेही वाचा: निलंबित पोलिसाने केला महिलेचा विनयभंग; भोईवाडा पोलिसांत गुन्हा दाखल

पोलिसांनी दोघींना ताब्यात घेतले असून या प्रकरणाचा अधिक तपास गुन्हे पोलिस निरीक्षक सुनील गवळी करीत आहेत. कल्याण पूर्वेतील पावशेनगर परिसरात प्रकाश बोरसे हे कुटुंबासह राहत होते. कुर्ला पोलिस ठाण्यात ते पोलिस हवालदार या पदावर कार्यरत होते. प्रकाश यांची मुलगी भाग्यश्री बोरसे (लग्नानंतरचे नाव भाग्यश्री योगेश पवार) हिचे काही वर्षांपूर्वी लग्न झाले होते; पण ती पतीसोबत न राहता माहेरी राहत होती. यावरून घरात वाद होत असत.

गुरुवारी रात्री पुन्हा घरगुती वाद झाला आणि या रागाच्या भरात पत्नी ज्योती व मुलगी भाग्यश्री हिने खलबत्त्याच्या दांडक्याने ठेचून प्रकाश यांची हत्या केली. हत्येनंतर दोघीही घरातच बसून होत्या. या घटनेची माहिती कोळसेवाडी पोलिस ठाण्याचे वरिष्ठ पोलिस निरीक्षक बसीर शेख यांना मिळताच त्यांनी तत्काळ पोलिस पथक घटनास्थळी पाठविले. पोलिसांनी दरवाजा तोडून घरात प्रवेश केला असता घरात प्रकाश हे मृतावस्थेत आढळून आले.

मृतदेह रुक्मिणीबाई रुग्णालय येथे उत्तरिय तपासणीसाठी पाठविण्यात आला आहे. याप्रकरणी कोळसेवाडी पोलिस ठाण्यात ज्योती बोरसे व भाग्यश्री बोरसे यांच्याविरोधात गुन्हा दाखल करण्यात आला आहे. दोघींना अटक करण्यात आली आहे. त्यांना कल्याण जिल्हा सत्र न्यायालयात हजर केले जाईल, अशी माहिती तपास अधिकारी गुन्हे पोलिस निरीक्षक सुनील गवळी यांनी दिली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top