खारघर रेल्वे स्थानकाच्या पार्किंगचे वाटप

खारघर रेल्वेस्थानकाच्या पार्किंगचे वाटप सकाळ वृत्तसेवा नवी मुंबई, ता. १० : खारघर रेल्वेस्थानकाच्या परिसरातील लिटील वर्ल्ड मॉलसमोरील सिडकोचे वाहनतळाचे देखभाल व दुरुस्तीचे कंत्राट व्ही. सी. पाटील एन्टरप्रायझेस यांना १५ डिसेंबरला देण्यात आले आहे. या कंत्राटाला १४ डिसेंबर २०२२ पर्यंत मुदत देण्यात आली आहे. एम. आर. गावडे यांना या पार्किंगच्या देखभालीचे कंत्राट तीन महिन्यांसाठी देण्यात आले होते. खारघर रेल्वेस्थानकासमोरील पार्किंगचे देखभाल दुरुस्तीचे कंत्राट गावडे यांना मार्च २०२२ पर्यंत देण्यात आले आहे. तसेच, पुढील मुदतीचे कंत्राट देण्यासाठी निविदा प्रक्रिया सुरू करण्यात आली आहे. माहिती अधिकार कार्यकर्ते अभिनय येलवे यांना सिडकोतर्फे माहिती अधिकारात ही माहिती देण्यात आल्याचे सिडकोतर्फे स्पष्ट करण्यात आले आहे.