संन्यासी महिलेची ४ लाख रुपयांची पेन्शची रक्कम लंपास | Sakal
sakal

बोलून बातमी शोधा

संन्यासी महिलेची ४ लाख रुपयांची पेन्शची रक्कम लंपास
संन्यासी महिलेची ४ लाख रुपयांची पेन्शची रक्कम लंपास

संन्यासी महिलेची ४ लाख रुपयांची पेन्शची रक्कम लंपास

sakal_logo
By
संन्यासी महिलेच्या पेन्शनवर डल्‍ला चार लाखांच्या फसवणूकप्रकरणी खारघर पोलिसांत गुन्हा नवी मुंबई, ता. ११ (वार्ताहर) : खारघर सेक्टर-५ मधील महालक्ष्मी मंदिरातील वृद्ध संन्यासी महिलेला (७३) डेबिट कार्ड सुरू करून देण्याच्या बहाण्याने तिच्या पेन्शनचे तब्बल चार लाख रुपये परस्पर लंपास केल्‍याची घटना उघडकीस आली आहे. खारघर पोलिसांनी या प्रकरणी गुन्हा दाखल केला आहे. महिला खारघर सेक्टर-५ मधील महालक्ष्मी मंदिरातील संन्यासी असून ४० वर्षापूर्वी त्या अमेरिकेतील एका कंपनीत मोठ्या पदावर कामाला होत्या. निवृत्तीनंतर भारतात येऊन त्‍यांनी संन्यास घेतला. या महिलेला अमेरिकेतील कंपनीकडून पेन्शन मिळत असल्याने त्यातून त्या उदरनिर्वाह चालवत होत्या. महिलेकडील एसबीआय बँकेचे डेबिट कार्ड बंद असल्याने ते पुन्हा सुरू करण्यासाठी २५ डिसेंबर रोजी गुगलवरून एसबीआयच्या हेल्पलाईनचा शोध घेतला. ऑनलाईनवर त्‍यांना मिळालेल्‍या क्रमांकवर त्‍यांनी संपर्क केला असता, एकाने एसबीआयचा कर्मचारी असल्याचे सांगून संन्यासी महिलेचे डेबिट कार्ड सुरू करून देण्याचे आश्वासन दिले. त्यासाठी त्यांना मोबाईलवर एनी डेस्क हे ॲप सुरू करण्यास सांगितले आणि डेबिट कार्ड सुरू करण्याच्या बहाण्याने त्‍यांच्या बँक खात्याची माहिती घेतली. त्यानंतर त्‍यांच्या बँक खात्यातून ४ लाख २ हजार ७२६ रुपये परस्‍पर काढले. महिलेची प्रकृती बिघडली बँक खात्‍यातून चार लाख दोन हजार ७२६ रुपये गेल्‍याचा मेसेज मोबाईलवर आल्‍यावर वृध्द महिलेची तब्‍येत बिघडली. उपचार घेतल्‍यावर आठवडाभरानंतर त्‍यांनी खारघर पोलिस ठाण्यात तक्रार दाखल केली. त्‍यानुसार पोलिसांनी फसवणूकप्रकरणी गुन्हा दाखल केला आहे.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top