कारमधील १ लाख ७० हजाराची रक्कम लांबवली | Sakal
sakal

बोलून बातमी शोधा

कारमधील १ लाख ७०  हजाराची रक्कम लांबवली
कारमधील १ लाख ७० हजाराची रक्कम लांबवली

कारमधील १ लाख ७० हजाराची रक्कम लांबवली

sakal_logo
By
तेलगळती बहाण्याने कारमधील रक्‍कम लंपास एक लाख ७० हजाराची रक्कम लांबवली नवी मुंबई, ता. १२ (वार्ताहर) : कारमधून तेल गळत असल्याचे सांगून दोघांनी कोपरखैरणेत राहणाऱ्या एका व्यावसायिकाची दिशाभूल केली आणि कारमधील एक लाख ७० हजारांची रोख रक्कम असलेली बॅग चोरल्‍याची घटना सोमवारी भरदुपारी वाशीमध्ये घडली. वाशी पोलिसांनी याप्रकरणी दोघांवर गुन्हा दाखल केला आहे. अमित शेलार (२८) हा कोपरखैरणेत राहत असून त्याचे वाशीमध्ये मिठाई विक्रीचे दुकान आहे. अमित याचे चुलत बंधू प्रवीण कीर्तनकार असून गत सोमवारी त्यांना बेळगाव येथे कीर्तनासाठी जायचे होते. त्यासाठी अमित सोबत जाणार होते. प्रवीण दुपारी सानपाडा येथे अमितची वाट पहात उभे होते. तर अमित आपल्या इन्होवा क्रिस्टा कारने वाशीतील आपल्या मिठाईच्या दुकानाजवळून निघण्याच्या तयारीत होता. यावेळी चोरट्याने अमित व कारचालक अक्षयला कारमधून तेलगळत असल्याचे सांगून दिशाभूल केली. तपासणीसाठी अमित व अक्षय कारमधून उतरताच दुसऱ्याने कारच्या मागील सीटवर १ लाख ७० हजाराची रोख रक्कम असलेली कीर्तनकार जयवंत शेलार यांची बॅग चोरून पलायन केले. दिशाभूल रक्‍कम चोरल्‍याचे लक्षात येताच त्‍यांनी वाशी पोलिस ठाण्यात तक्रार दाखल केली.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top