एकाच रात्रीत चार बैल चोरले

एका रात्रीत चार बैल चोरले वाडा, ता. २४ (बातमीदार) : तालुक्यातील अतिदुर्गम भागातील वंगणपाडा, उंबरपाडा (मांगरूळ) येथील शेतकऱ्यांचे चार बैल अज्ञात चोरट्यांनी चोरून नेल्याने खळबळ माजली आहे. याप्रकरणी वाडा पोलिसात आज तक्रार दाखल करण्यात आली आहे. मात्र शेतकरी चिंताग्रस्त झाला आहे. मांगरूळ हा अतिदुर्गम भाग असून येथील शेतकरी आजही पारंपरिक पद्धतीने शेती करतात. देवराम कोरडे, सोमा शेंडे, अंजना शेंडे (रा. वंगणपाडा) व नवसू दिघे (रा. उंबरपाडा, मांगरूळ) यांचे प्रत्येकी एक बैल गेल्या सोमवारी (ता. १७) चोरीला गेले आहेत. त्यांनी शोध घेऊनही त्यांना सापडले नाहीत. अधिक माहिती घेतली असता सोमवारच्या पहाटेच्या सुमारास अज्ञात चोरट्यांनी एका पिकअपमध्ये बैल भरून नेले असल्याचे एका ग्रामस्थाने सांगितले. याप्रकरणी आज तक्रार दाखल केली.