robbery Crime
robbery Crimeesakal

गटाराचे झाकण चोरणाऱ्या टोळीचा भांडाफोड; CCTV मुळे आरोपीला अटक करण्यात यश

नालासोपारा : मुख्य रस्त्यावरील गटारावरील लोखंडी झाकण (Iron lid robbery) चोरी करणाऱ्या टोळीचा (Gang busted) वसईत भांडाफोड झाला आहे. या टोळीतील एका आरोपीला पकडण्यात यश आले असून, दोघे जण फरारी झाले आहेत. याबाबत वसई पोलीस ठाण्यात (Vasai police station) गुन्हा दाखल केला आहे. अटक आरोपीला गुरुवारी वसई न्यायालयात हजर केले असता दोन दिवसांची पोलीस कोठडी सुनावली असल्याची माहिती वसई पोलिस ठाण्याचे वरिष्ठ पोलिस निरीक्षक कल्याणराव करपे यांनी दिली.

robbery Crime
मुंबई : रविवारी, तिन्ही रेल्वे मार्गावर ब्लॉक

वसई-विरार महापालिकेच्या वतीने शहरातील अनेक भागांत गटाराचे नियोजित काम झाले आहेत. गटाराच्या चेंबरवर लोखंडी झाकण लावले आहेत, पण हेच लोखंडी झाकण चोरणारी टोळी शहरातील विविध भागांत मागच्या काही महिन्यांपासून सक्रिय झाली होती. या प्रकरणी तिघांविरोधात गुन्हा दाखल करण्यात आला आहे. यातील श्याम शिवाजी पाटोळे (वय १९) असे अटक केलेल्या आरोपीचे नाव असून, तो वसईच्या राणगाव लहुपाडा येथील रहिवासी आहे. तो टेम्पोचालक असून त्याच्याच टेम्पोत चोरलेले झाकण नेल्याचे सीसी टीव्ही कॅमेऱ्यात कैद झाले होते. श्याम याची कसून चौकशी केली असता त्याने झाकण चोरल्याची कबुली दिली.

त्याच्याकडून ६० हजार किमतीचे ४ लोखंडी झाकणही जप्त केले आहेत. चौकट स्थानिकांच्या जागरूकतेमुळे आरोपी अटकेत डिसेंबर महिन्याच्या शेवटच्या आठवड्यात मार्सेस गावात मुलारवाडी परिसरातील गटाराच्या चेंबरवरील लोखंडी झाकण चोरी झाले होते. झाकण चोरी करून, ते टेम्पोत टाकून घेऊन जातानाचे दृश्य एका बंगल्याच्या सीसी टीव्ही कॅमेऱ्यात कैद झाले होते. गावकऱ्यांनी हा व्हिडीओ व्हायरल करून याबाबत जनजागृती केली होती. बुधवारी हा आरोपी पुन्हा मार्सेस गावात आपला टेम्पो घेऊन गेला असता, गावकऱ्यांनी त्याला ओळखले. त्यानंतर त्याला पकडून ठेवून पोलिसांच्या ताब्यात दिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com