डेक्कन क्वीन’चा प्रवास आता अधिक आरामदायी, सुरक्षित

मुंबई, ता. २० : मुंबई-पुणे ‘डेक्कन क्वीन’चा प्रवास आता अधिक आरामदायी आणि सुरक्षित असेल. डेक्कन क्वीनला जर्मन बनावटीचे डबे जोडण्यात आले आहेत. यात खानसेवेसाठी नवा डबाही जोडण्यात आला आहे. हे डबे तमिळनाडूतील कारखान्यातून मुंबईत दाखल झाले आहेत. ते ‘डेक्कन क्वीन’ला जोडण्यात आले आहेत.
‘डेक्कन क्वीन’चा गेल्या ९२ वर्षांचा प्रवास मुंबई आणि पुण्यातील प्रवाशांसाठी अभिमानाचा ठरला आहे. हा प्रवास अधिक आरामदायी करण्यासाठी रेल्वे प्रशासनाने ‘डेक्कन क्वीन’ला अत्याधुनिक डबे जोडण्याचा निर्णय घेतला. नव्या रंगावतारात ‘डेक्कन क्वीन’ धावणार आहे. या गाडीला लाल, हिरव्या आणि पिवळ्या पट्ट्यांत रंगवण्यात आले आहे. ‘डेक्कन क्वीन’च्या नियमित प्रवाशांशी संवाद साधल्यानंतर रंगछटा निश्चित करण्यात आल्या. या गाडीत खानपान सेवा देणाऱ्या डब्यात प्रवाशांना त्यांच्या पसंतीचे खाद्यपदार्थ मिळणार आहेत.
...

नव्या थाटातील क्वीन
- नव्या खानपान सेवा डब्यासह २० नवे डबे.
- सर्व डबे अपघातरोधक. खानपान डब्यात १० टेबलांवर ४० प्रवासी बसण्याची सोय.
- पुणे-लोणावळा मार्गावर कोणत्याही ट्रेनची कमाल वेगमर्यादा ११० किमी/ताशी आहे.
- एकूण १,४१७ प्रवासी क्षमता आहे.
...