भांडुपमध्ये पाण्यासाठी महिलांचा रास्ता रोको

भांडुप, ता. ७ (बातमीदार) ः भट्टीपाडा येथील जलवाहिनीच्या कामात दिरंगाई चालू असल्याचा आरोप करीत महिलांनी ‘रास्ता रोको’ केले. पिण्याचे पाणी चार दिवसांपासून न आल्याने महिला रस्त्यावर उतरल्या. पाईपलाईनचे काम लवकरात लवकर करण्याची मागणी या महिलांनी केली. रास्ता रोको मागे घ्या, अशी विनंती पाणीपुरवठा विभागाचे कर्मचारी आणि स्थानिक नगरसेविका साक्षी दळवी यांनी केली. लवकरच काम करून देण्याचे आश्वासन दिले. कामासाठी लागलेल्या वेळामुळे नागरिकांमधून संताप व्यक्त होत आहे.