खर्डीकरांना सोनाई-सिताई यात्रेचे वेध | Sakal
sakal

बोलून बातमी शोधा

खर्डीकरांना सोनाई-सिताई यात्रेचे वेध
खर्डीकरांना सोनाई-सिताई यात्रेचे वेध

खर्डीकरांना सोनाई-सिताई यात्रेचे वेध

sakal_logo
By

खर्डी, ता. २४ (बातमीदार) ः ठाणे जिल्ह्यात नवसाला पावणारी देवी अशी ख्याती असणाऱ्या खर्डीच्या सोनाई-सिताई मातेची यात्रा गेली दोन वर्षे कोरोनाच्या प्रादुर्भावामुळे झाली नव्हती; पण कोरोनाचा प्रादुर्भाव कमी झाल्याने यात्रेचे वेध भाविकांना लागले आहेत. २८ एप्रिल ते ३ मे दरम्यान ही यात्रा (बोहाडा) आयोजित करण्यात आली आहे. खर्डीच्या यात्रेला ‘बोहाडा’ असेही म्हणतात.

चैत्र शुद्ध पौर्णिमेला देवीच्या काठीचे (ढोलकाठी) गावात आगमन झाले आहे. ढोलकाठीची पूजा करून मिरवणुकीने वाजत-गाजत देवीच्या मंदिरात आणली गेली. सोनाई-सिताई देवीची यात्रा पाच दिवस आणि रात्र सुरू असते. यात्रेत पारंपरिक पद्धतीने देवदेवतांची पात्ररूपी सोंगे नाचविली जातात. ऐन उन्हाळ्यात ही यात्रा होत आहे. रात्रीच्या वेळेस वीजपुरवठा खंडित होऊ नये म्हणून महावितरणला निवेदन देण्यात आले. तसेच, यात्रेत कायदा व सुव्यवस्था चोख राहण्यासाठी व इतर सुविधा मिळण्यासाठी तहसीलदार, पोलिस निरीक्षक, पाणीपुरवठा विभाग, गटविकास अधिकारी व उपविभागीय पोलिस अधिकारी यांना खडी ग्रामपंचायत व देवालयातर्फे निवेदन देण्यात आले आहे.
------------
शांतता कमिटीच्या बैठकीचे आयोजन
शहापूर पोलिस ठाण्याचे पोलिस निरीक्षक राजकुमार वसावे यांनी उपविभागीय पोलिस अधिकारी नवनाथ ढवळे यांच्या उपस्थितीत खर्डी पोलिस दूरक्षेत्राच्या आवारात २६ एप्रिल रोजी संध्याकाळी ५ वाजता शांतता कमिटी, राजकीय पक्षाचे पदाधिकारी, विविध संघटनांचे प्रतिनिधी व मान्यवरांच्या उपस्थितीत शांतता कमिटीच्या बैठकीचे आयोजन केले आहे. खर्डीच्या नवसाला पावणाऱ्या सोनाई-सिताई देवीच्या यात्रेत कुठलाही अनुचित प्रकार घडू नये यासाठी ही बैठक आयोजित करण्यात येणार आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top