आपची सुधागडमध्ये मोर्चेबांधणी सुरू

पाली, ता. ८ (वार्ताहर) : आपची सुधागड तालुक्यात मोर्चेबांधणीला सुरुवात झाली आहे. त्या अनुषंगाने आपचे पदाधिकारी व कार्यकर्त्यांनी मंगळवारी (ता. 7) सुधागड तालुक्यात पाली, परळी, पेडली आणि इतर गावांत प्रसार केला. भ्रष्टाचार विरुद्ध लढण्यासाठी आपण आम आदमी पक्षात सामील व्हावे आणि जनतेची सेवा करावी. येत्या पंचायत समिती व जिल्हा परिषदेच्या निवडणुका लढवून लोकांचे नेतृत्व करावे, असे आवाहन नागरिकांना करण्यात आले. या वेळी आगामी काळात ठिकठिकाणी कामे करणार असून पक्षाचा अजेंडा असलेले पत्रकेही वाटण्यात आले. पक्षात सामील होण्यासाठी भ्रमणध्वनी क्रमांक जाहीर केला. याप्रसंगी रायगड जिल्हा उपाध्यक्ष हरिश्चंद्र शिंदे, सुधागड तालुकाध्यक्ष अशोक रायकर, तालुका सचिव इरफान तालीब शेख, तालुका खजिनदार श्रद्धा बामणे व सदस्य फैसल महाडकर उपस्थित होते.