कुपोषित मुलांची आरोग्य तपासणी

सकाळ वृत्तसेवा
अलिबाग, ता. १३ : एकात्मिक बाल विकास सेवा योजना प्रकल्प आणि दी लाईफ फाऊंडेशनच्या संयुक्त विद्यमाने अलिबाग तालुक्यातील कुपोषित मुलांसाठी मोफत आरोग्य तपासणी शिबिराचे मंगळवारी आयोजन केले होते. शिबिरामध्ये अलिबागमधील बालरोग तज्‍ज्ञ डॉ. राजेंद्र चांदोरकर आणि डॉ. विनायक पाटील यांनी बालकांची तपासणी केली. दी लाईफ फाऊंडेशनतर्फे मुलांना कल्शियम सिरप, आयरन सिरप तसेच डी व्हिटॅमिन औषधे देण्यात आली. तसेच मेडले फार्मा लिमिटेड येथून अन्सार सोलकर यांनी, बालकांची हिमोग्लोबिन तपासणी करून त्यांना आर बी टोन ड्रॉप दिले. कुपोषित मुलांना पूरक आहार म्हणून दररोज एक उकडलेले अंडे देण्याची व्यवस्था दी लाईफ फाउंडेशन तर्फे करण्यात आले आहे. शिबिरात अलिबाग तालुक्याचे बाल विकास प्रकल्प अधिकारी गीतांजली पाटील तसेच अंगणवाडी पर्यवेक्षिका भाग्यश्री पाटील, सामिया पेरेकर, दीप्ती मोकल यांनी उपस्थित होत्‍या. शिबिर यशस्वी होण्यासाठी दी लाईफ फाऊंडेशनचे प्रकल्प व्यवस्थापक शिलानंद इंगळे, राखी राणे व प्रणय ओव्हाळ यांनी मेहनत घेतली.

अलिबाग : अलिबाग तालुक्यातील कुपोषित मुलांसाठी मोफत आरोग्य तपासणी शिबिरात तपासणी करताना बालरोग तज्ञ व उपस्थित मान्यवर,