भादाव येथे मोफत नेत्र तपासणी शिबीर

भादाव येथे मोफत नेत्रतपासणी शिबिर संपन्न
पाली (वार्ताहर) ः भादाव गावात नुकतेच मोफत नेत्रतपासणी शिबिर पार पडले. तब्बल ९६ गरजूंनी या शिबिराचा लाभ घेतला. यातील १८ जणांवर पनवेल येथे यशस्वी मोतीबिंदू शस्त्रक्रिया झाली आहे. ॲड. राजीव साबळे यांच्या वाढदिवसाचे औचित्य साधून डाॅ. सुहास हळदीपूरकर यांचे लक्ष्मी चॅरिटेबल ट्रस्ट पनवेल, गोसावी समाज भादाव, नगरसेवक राजेश मेहता व आशा सेविका निशा नवघरे यांच्या संयुक्त विद्यामाने हे शिबिर आयोजित केले होते.
या शिबिरामध्ये मोफत नेत्रतपासणी करण्यात आली. तसेच अल्पदरात मोतीबिंदू शस्त्रक्रिया करण्यात आली असून, चष्मेवाटप करण्यात आले. या शिबिरात ग्रामस्थ मंडळ भादाव, नगरसेवक, आशा सेविका, अंगणवाडी सेविका व आरोग्य सेवक उपस्थित होते.

फोटो ओळ
पाली ः भादाव येथे मोफत नेत्रतपासणी शिबिरात नेत्रतपासणी करताना डॉक्टर