कार आगीच्या भक्ष्यस्थानी

पाली, ता. २७ (वार्ताहर)ः रायगड जिल्ह्यातील मुठवली गावाजवळ एका कारने भररस्त्यात पेट घेतला. तळा-इंदापूर मार्गावर शनिवारी (ता. २६) रात्री हा अपघात झाला. या वेळी प्रसंगावधान दाखवल्याने कारचालक थोडक्यात बचावला.
घटनेवेळी कारचालक एकटा होता. कारला कशामुळे आग लागली, याचे कारण समजू शकले नाही. घटनेची माहिती मिळताच सह्याद्री वन्यजीव रक्षणार्थ सामाजिक संस्थेचे बचाव पथक, अग्निशमन दल, पोलिस घटनास्थळी दाखल होताना आगीवर नियंत्रण मिळवले. आग विझवल्यानंतर रस्त्यावरील कार बाजूला करून वाहतूक पूर्ववत करण्यात आली.