जांभूळपाडा परळी विभागाचा आदिवासी जागतिक दिन जल्लोषात साजरा छत्रपती शिवाजी महाराज यांना मानवंदना

जांभूळपाडा परळी विभागात आदिवासीदिन साजरा
छत्रपती शिवाजी महाराज यांना मानवंदना
पाली, ता. १० (वार्ताहर) ः जांभूळपाडा परळी विभागात जागतिक आदिवासीदिन शनिवारी (ता. ९) उत्साहात साजरा करण्यात आला. या वेळी महाराष्ट्राचे आराध्य दैवत छत्रपती शिवाजी महाराज यांना मानवंदना देण्यात आली. सामाजिक कार्यकर्ते गिरीश दळवी यांच्या हस्ते शिवाजी महाराजांच्या पुतळ्याला पुष्पहार घालून कार्यक्रमाला सुरुवात करण्यात आली. जांभूळपाडा येथून खालूचा बाजा हे पारंपरिक वाद्य वाजवत रॅली काढण्यात आली. आदिवासी भवनामध्ये हुतात्मा नाग्या कातकरी यांना आदिवासी समाजाचे अध्यक्ष ॲड. रमेश पवार, उपाध्यक्ष दगडू वाघमारे यांच्या हस्ते नारळ वाढवण्यात आले, तर रमेश साळुंखे, भास्कर पार्टे, दिलीप महाडीक व राजेश गायकवाड आणि आदिवासी प्रतिष्ठान संस्थापक अध्यक्ष सचिन शंकर सागळे, सचिव सखाराम घोगकर, विष्णू वाघमारे, एकनाथ पवार चंद्रकांत जाधव, वसंत जाधव व लक्ष्मी निकम आदींच्या हस्ते दीपप्रज्वल करण्यात आले.

फोटोओळ
पाली ः जांभूळपाडा परळी विभागात आदिवासीदिनानिमित्त रॅली काढली होती.