नोकर भरतीसाठी उमेदवारांना मार्गदर्शन

अलिबाग : भारत सरकारच्या सार्वजनिक उपक्रमांतर्गत राष्ट्रीय केमिकल्स अँड फर्टिलायझर्स लिमिटेड कर्मचारी भरतीसाठी ऑनलाइन परीक्षा होणार आहे. यासाठी रायगड जिल्ह्याचे रहिवासी असणाऱ्या अनुसूचित जाती-जमाती, इतर मागासवर्गीय गटांतील पात्र उमेदवारांना मार्गदर्शन केले जाणार आहे. १९ ऑगस्ट रोजी सकाळी नऊ ते संध्याकाळी पाचदरम्यान समृद्धी सभागृह, प्रशासकीय इमारत प्रवेशद्वार, आरसीएफ कारखाना - थळ युनिट, ता. अलिबाग, जिल्हा रायगड येथे शिबिर होणार आहे. भरतीपूर्व जागरूकता कार्यक्रम वेळापत्रक उमेदवारांना ऑनलाइन अर्जात नमूद केलेल्या ई-मेल आयडीवर कळविण्यात आले आहे. संबंधित उमेदवारांनी ई-मेलची प्रत तसेच आधार कार्ड / पॅन कार्ड / वाहन परवान्याची छायाप्रत सोबत घेऊन उपस्थित राहावे, असे आवाहन केले आहे.