आई जोगेश्वरी गोविंदा पथकांने चाखले २ लाखांचे लोणी

आई जोगेश्वरी गोविंदा पथकांने चाखले २ लाखांचे लोणी
पालीत आठ थरांची चित्तथरारक सलामीः बक्षिसांची खैरात
पाली, ता. १८ (वार्ताहर) ः आई जोगेश्वरी गोविंदा पथक पालीतील भाजपच्या दोन लाख २२ हजार २२२ च्या मानाच्या दहीहंडीचा मानकरी ठरला आहे. या पथकाने आठ थरांची चित्तथरारक सलामी दिली.
भाजप नेते प्रकाश देसाई यांच्या संकल्पनेतून व विशेष पुढाकाराने भाजपच्या वतीने दहीहंडी महोत्सवाचे आयोजन केले होते. यावेळी गोविंदा पथकांवर अक्षरशः बक्षिसांची लयलूट केली गेली. सुधागडवासिय बालगोविंदा पथकांसाठी भाजपची ५१ हजारांची मानाची दहीहंडी व आकर्षक चषक देखील पर्वणी ठरली. सुधागड पाली मर्यादित दहीहंडीमध्ये यंगस्टार कुंभार आळी व भोईआळी पाली गोविंदा पथकाला प्रत्येकी २५ हजार प्रमाणे समान रकमेचे पारितोषिक देऊन चिठ्ठीद्वारे यंगस्टार कुंभार आळी गोविंदा पथकाला चषक देऊन गौरविण्यात आले. या महोत्सवात सात थरांची सलामी देणाऱ्या गोविंदा पथकांसाठी रोख रक्कम १० हजारांचे पारितोषिक तर सहा थरासाठी सहा हजार रुपयांचे पारितोषिक अशी एक अनोखी पर्वणी लाभली.
यावेळी खासदार धैर्यशील पाटील, भाजप नेते प्रकाश देसाई, भाजप नेत्या गीता पालरेचा, भाजप प्रदेश सदस्य राजेश मपारा, आलाप मेहता, प्रभारी नगराध्यक्ष आरिफ मणियार, भाजप सुधागड तालुका अध्यक्ष श्रीकांत ठोंबरे, शहर अध्यक्ष सुशील शिंदे, चंद्रकांत घोसाळकर, रोहन दगडे, प्रणाली शेठ आदींसह मान्यवर पदाधिकारी व कार्यकर्ते उपस्थित होते.

फोटो ओळ,
पाली ः विजेत्या गोविंदा पथकाला गौरवितांना भाजप नेते प्रकाश देसाई व अन्य मान्यवर