सुधागड तालुका आठतास अंधारात

सुधागड तालुका आठतास अंधारात
उंबरवाडीत झाड पडल्याने विद्युत पुरवठा खंडित
पाली, ता.२८ (वार्ताहर)ः उंबरवाडी येथील जंगलात झाड कोसळून वीज वाहक तारा तुटल्याने सुधागड तालुक्याचा वीज पुरवठा खंडित झाला होता. त्यामुळे गुरुवारी पहाटे चार ते दुपारी बारापर्यंत सुधागड तालुका तब्बल आठ तास बत्तीगुल झाल्याने गणेशभक्तांचा हिरमोड झाला.
उंबरवाडी क्षेत्र पूर्ण डोंगराळ तसेच दाट वनांचे आहे. त्यामुळे महावितरणच्या कर्मचाऱ्यांना अथक परिश्रम घेऊन घटनास्थळी पोलोचले होते. त्यानंतर झाड तोडण्याची तसेच वीज तारा जोडण्याचे काम सुरू करण्यात आले. यासाठी काही वेळ लागला. मात्र, अथक परिश्रम करून अखेर वीजपुरवठा पुन्हा सुरळीत केल्याचे उपकार्यकारी अभियंता बालाजी चात्रे यांनी सांगितले. मात्र, ऐन गणेशोत्सवात तब्बल आठ तास वीजपुरवठा खंडित झाल्यामुळे सुधागड तालुक्यातील जनता मेटाकुटीला आली होती.
़़़़़़ः------------------------------
इन्सुलेटर्स म्हणजे काय
विद्युत वाहिनीवर वीजतारा आणि वीज खांब यात विद्युतरोधक म्हणून चिनी मातीपासून बनवलेल्या साधनांचा वापर केला जातो. ३३ केव्ही /११ केव्ही या विद्युत वाहक उच्चदाब व विद्युत वितरण लघुदाब वाहिन्यात वापरल्या जाणाऱ्या वेगवेगळ्या विद्युत रोधकांचे विविध प्रकार आहेत.