स्वच्छतेसाठी श्रीसदस्य किनाऱ्यांवर

स्वच्छतेसाठी श्रीसदस्य किनाऱ्यांवर
विसर्जनावेळीचे निर्माल्य संकलनात पुढाकार
सकाळ वृत्तसेवा
अलिबाग, ता. ८ : अनंत चतुर्दशीला गणपती विसर्जनावेळी मोठ्या प्रमाणात निर्माल्य समुद्रात सोडले जाते. या निर्माल्यामुळे पर्यावरणाला उद्भवणारा धोका लक्षात घेता विविध सामाजिक संस्थांबरोबर श्रीसदस्यांनी समुद्रकिनारे स्वच्छ करण्यासाठी पुढाकार घेतला आहे.
गणेशोत्सव साजरा करताना पर्यावरण रक्षणाचे भान ठेवत डॉ. श्री. नानासाहेब धर्माधिकारी प्रतिष्ठान, रेवदंडा यांच्या वतीने निर्माल्य संकलन, खतनिर्मिती हा उपक्रम राबविण्यात आला होता. यासाठी जिल्ह्यात ठिकठिकाणी श्रीसदस्यांनी निर्माल्य गोळा करून वर्गवारी पूर्ण केली. या वर्गवारीतील योग्य घटक खतनिर्मितीसाठी पाठवला जाणार आहे, अशी माहिती प्रतिष्ठानच्या वतीने देण्यात आली. पद्मश्री डॉ. आप्पासाहेब धर्माधिकारी आणि रायगड भूषण डॉ. सचिन धर्माधिकारी यांच्या मार्गदर्शनाखाली राबवण्यात आला. जिल्ह्यातील हजारो श्रीसदस्यांनी या उपक्रमात सहभाग घेतला.