पालीत राज्यस्तरीय एकांकिका स्पर्धा

पालीत राज्यस्तरीय एकांकिका स्पर्धा
नाट्यरसिकांना पर्वणी, नवोदित कलाकारांना संधी
पाली, ता. १६ (वार्ताहर) : प्रकाश देसाई सामाजिक व सांस्कृतिक प्रतिष्ठान यांच्या वतीने पाली येथे गुरुवार (ता. १८)पासून राज्यस्तरीय एकांकिका स्पर्धेचा भव्य महोत्सव सुरू होत आहे. तब्बल सात दिवस चालणाऱ्या या स्पर्धेमुळे जिल्ह्यासह संपूर्ण राज्यातील नाट्यरसिकांना रंगभूमीची मेजवानी मिळणार आहे. गेल्या १३ वर्षांपासून सातत्याने सुरू असलेल्या या स्पर्धांनी अनेक दिग्गज, होतकरू व नवोदित कलाकारांना मोठे व्यासपीठ मिळवून दिले आहे.
ग. बा. वडेर हायस्कूलच्या भव्य रंगमंचावर ही स्पर्धा रंगणार असून, मुंबई, ठाणे, पुणे, कोकण तसेच गोवा व इतर राज्यांतील एकांकिका संघ सहभागी होणार आहेत. समारोप व बक्षीस वितरण सोहळा बुधवार (ता. २४) रोजी प्रसिद्ध नाट्य व सिनेसृष्टीतील अभिनेते प्रशांत दामले यांच्या हस्ते होणार आहे. या महोत्सवामुळे पाली परिसरात उत्साहाचे वातावरण निर्माण झाले आहे.

चौकट
पारितोषिक
एकांकिका स्पर्धेत सांघिक प्रथम क्रमांक पटकावणाऱ्या एकांकिका संघाला एक लाख रुपये, द्वितीय क्रमांकास ७५ हजार, तृतीय क्रमांकास ५० हजार रुपये, चतुर्थ किंवा लक्षवेधी क्रमांकास २५ हजार रुपये, रायगड जिल्ह्यातील सर्वोत्कृष्ट सादरीकरण करणाऱ्या एकांकिका संघाला स्वतंत्रपणे १५ हजार रुपये व सर्व विजेत्यांना आकर्षक चषक देऊन गौरविण्यात येणार आहे. तसेच वैयक्तिक अभिनयाकरितादेखील प्रोत्साहनपर पारितोषिके दिली जाणार आहेत.