आंधळे यांचे राज्यस्तरीय स्पर्धेत यश

आंधळे यांचे राज्यस्तरीय स्पर्धेत यश
पाली, ता. १८ (वार्ताहर) : शिक्षक कर्मचारी स्पर्धा २०२५ अंतर्गत घेण्यात आलेल्या राज्यस्तरीय व्यक्ती अभ्यास स्पर्धेत जिल्हा परिषद तिवरे शाळेचे उपशिक्षक रवींद्र आंधळे यांनी यश मिळवून सुधागड तालुक्याचा मान वाढवला. प्रथम तालुकास्तरावर आणि नंतर मुंबई विभागात क्रमांक पटकावल्यानंतर त्यांची नागपूर येथे झालेल्या अंतिम राज्यस्तरीय स्पर्धेसाठी निवड झाली. राज्यभरातून आलेल्या शेकडो स्पर्धकांमधील अंतिम १० शिक्षकांमध्ये आंधळे यांची निवड होऊन त्यांनी दहावा क्रमांक मिळवला. या यशाबद्दल केंद्रप्रमुख अनिल राणे व मुख्याध्यापिका श्रावणी मोरे यांनी त्यांचे अभिनंदन केले.

नवकल्पनांचा सातत्यपूर्ण अवलंब
रवींद्र आंधळे हे शाळेत विद्यार्थ्यांसाठी नावीन्यपूर्ण व कल्पक उपक्रम राबवत असतात. त्यांचे सातत्यपूर्ण प्रयत्न आणि अध्यापनातील नवे प्रयोग यामुळेच त्यांना राज्यस्तरीय पातळीवर यश मिळाले, असे मुख्याध्यापिका श्रावणी मोरे यांनी सांगितले.

फोटो ओळ ः पाली ः शिक्षक रवींद्र आंधळे यांचे अभिनंदन करताना विद्यार्थी व मुख्याध्यापिका श्रावणी मोरे. (छायाचित्र ः अमित गवळे)