शरीरसौष्‍ठव स्‍पर्धेत उदय देवरेची बाजी

खोपोली, ता. २ (बातमीदार) ः खोपोली शहर शिवसेना, युवासेना, महिला आघाडी, युवती सेना आणि अंगीकृत संघटनेच्या वतीने नुकतीच आमदार श्री शरीर सौष्ठव स्पर्धा आयोजित केली होती. एकूण ९१ स्पर्धकांनी सहभाग घेतला होता. अंतिम फेरीत नागोठणे येथील स्पर्धक उदय देवरे यांनी मानाचा असा आमदार श्री २०२३ चा किताब पटकावला.
स्‍पर्धेचे उद्‌घाटन सेनेचे संपर्क प्रमुख विजय पाटील यांचे हस्ते झाले. रायगड जिल्हा व खोपोली शहर बॉडी बिल्डिंग असोसिएशनच्या सौजन्याने डॉ बाबासाहेब आंबेडकर स्मारक मैदानात स्पर्धा घेण्यात आली. आमदार महेंद्र थोरवे यांनी स्पर्धेला आपली उपस्थिती लावली होती.
दुसऱ्या स्थानी विशाल सावंत, बेस्ट पोझर म्हणून अरुण भोईर, श्रीकांत भोईर यांना पारितोषिक देण्यात आली. स्पर्धा यशस्वी करण्यासाठी शिवसेना खोपोली शहर प्रमुख संदीप पाटील, युवासेना शहर अधिकारी संतोष मालकर, शहर संपर्क प्रमुख राजू गायकवाड, संघटक संघटक तात्या रिठे, शहर समन्वयक हरेश काळे, युवा सेनेचे सिद्धांत शेलार, अविनाश किरवे, विवेक पाटील आदींनी प्रयत्‍न केले.

खोपोली : आमदार श्री शरीर सौष्ठव स्पर्धेतील विजेत्यांचा गौरव करण्यात आला.