संकेश्वर : अपघात

संकेश्र्वर येथे अपघातात
ठाण्याचा युवक ठार
संकेश्वर, ता. १६ : येथील राष्ट्रीय महामार्गावर डी-मार्टजवळ झालेल्या भीषण अपघातात ठाणे येथील एक युवक जागीच ठार झाला; तर तिघे जण गंभीर जखमी झाले. रफिक रसीद पठाण (वय ४५, रा. ठाणे पश्चिम) असे अपघातात ठार झालेल्याचे नाव आहे, तर अश्रफ मुल्ला खान (ठाणे, पश्चिम), इम्रान जैनुला हके (मुंब्रा, ठाणे), आयेश आयुब खान (ठाणे) हे तिघे जखमी झाले. हा अपघात सोमवारी (ता. १५) रात्री घडला. याप्रकरणी संकेश्वर पोलिस ठाण्यात नोंद झाली.
पोलिसांकडून मिळालेली माहिती अशी, आयेश आयुब खान हे त्यांच्या मोटारीने बंगळूर येथे कामानिमित्त गेले होते. काम आटोपून ते ठाण्याकडे परत येताना संकेश्वरजवळील महामार्गावर डी-मार्टनजीक निपाणीकडे ऊस घेऊन जाणाऱ्या ट्रॅक्टर-ट्रॉलीला त्यांच्या मोटारीने पाठीमागून जोराची धडक दिली.