महाडमध्ये आणीबाणीतील सत्याग्रहींच्या हस्ते ब्राह्मण सभा येथे ध्वजारोहण

महाडमध्ये आणीबाणीतील सत्याग्रहींच्या हस्ते ब्राह्मण सभा येथे ध्वजारोहण
महाड, ता. २७( बातमीदार) : ब्राह्मण सभेतर्फे प्रजासत्ताक दिनानिमित्त ध्वजावंदन कार्यक्रम उत्साहात पार पडला. याप्रसंगी सुमारे पाच दशकांपूर्वी आणीबाणीच्या काळात कारावास भोगलेल्या सत्याग्रहींच्या हस्ते ध्वजवंदन करण्यात आले. यामध्ये सुधीर महाजन, प्रवीण पिंपुटकर, अतुल पुरोहित यांचा समावेश आहे.
सुधीर महाजन यांनी आणीबाणीच्या तुलनेत देशातील आजची लोकशाही अधिक सशक्त व प्रगल्भ असल्याचे स्पष्ट मत व्यक्त केले. तर, प्रवीण पिंपुटकर यांनी आमचा सत्याग्रह हा लोकशाही मूल्यांच्या विरोधातील होता, असे सांगितले. अतुल पुरोहित यांनी एक भारतवासिय म्हणून हुकूमशाही विरोधात झालेल्या आंदोलनात सत्याग्रहात सहभाग ही कर्तव्यपूर्ती असल्याची भावना व्यक्त केली.