रोटरी क्लबतर्फे पैठणी साडी महोत्सव

रोटरी क्लबतर्फे पैठणी साडी महोत्सव
महाड, ता. १९ (बातमीदार) : महिलांसाठी पारंपरिक साड्यांचे आकर्षण ठरणारा ‘सिल्क व पैठणी साडी महोत्सव’ रोटरी क्लब ऑफ महाडतर्फे यंदाही आयोजित करण्यात आला आहे. हा तीनदिवसीय महोत्सव २० ते २२ मार्च या कालावधीत ब्राह्मण सभा सभागृह येथे होणार आहे.
या महोत्सवात पारंपरिक व आधुनिक साड्यांचा समावेश असणार आहे. पाच हजार रुपयांच्या खरेदीवर ग्राहकांना लकी ड्रॉ कूपन देण्यात येणार असून, बक्षिसे जिंकण्याची संधी मिळणार आहे. या महोत्सवाचे आयोजन रोटरी क्लबचे अध्यक्ष सुधीर मांडवकर यांच्या मार्गदर्शनाखाली सचिव गुरुपाद कोंडगुळी, खजिनदार महेश इब्रामपूरकर, प्रकल्प अध्यक्ष अश्विनी पाडळकर, क्लबचे सर्व सभासद आणि रोटरिअ‍न्स यांनी केले आहे. महोत्सवातून मिळणाऱ्या उत्पन्नाचा उपयोग सामाजिक उपक्रमांसाठी करण्यात येणार आहे.
......