मुंबईतील तापमान घसरण्याचा अंदाज

मुंबईतील तापमान घसरण्याचा अंदाज
सकाळ वृत्तसेवा
मुंबई, ता.३ : सोमवारपासून मुंबईतील तापमान १५ ते १६ अंश सेल्सिअसच्या जवळपास घसरणार असल्याचा अंदाज वर्तवण्यात आला आहे. हवामानात बदल होणार असल्याने तापमान घसरणार आहे. असे ‘मुंबई रेन’ने सांगितले आहे.

गेल्या केवळ २ दिवसांत तापमान २४ अंशांवरून १६ अंशांपर्यंत खाली जाईल, असा अंदाज आहे. उत्तर कोकणात थंड व कोरडे वारे सक्रिय होणार आहेत. परिणामी आर्द्रतेत मोठी घट दिसून येईल, ज्यामुळे थंड हवामानासाठी अनुकूल परिस्थिती निर्माण होईल. ही थंडी आणखी काही दिवस टिकेल, अशी अपेक्षा आहे. यामुळे उष्णतेपासून सुटका होईल असा अंदाज आहे. मुंबईत कमाल तापमानात ७ ते ८ अंशांची घसरण अपेक्षित आहे. बुधवारपर्यंत कमाल तापमानात घट होईल. तापमान ३५ अंश सेल्सिअसवरून तापमान थेट ३० अंश सेल्सिअसच्या खाली जाईल. यामुळे मुंबईला उष्णतेपासून दिलासा मिळेल.
......