शालेय शिक्षण विभागाच्या प्रधान सचिवपदी आय. ए. कुंदन

शालेय शिक्षण विभागाच्या प्रधान सचिवपदी आय. ए. कुंदन

मुंबई, ता. २६ : शालेय शिक्षण आणि क्रीडा विभागाच्या प्रधान सचिवपदी ज्येष्ठ सनदी अधिकारी आय. ए. कुंदन यांची आज नियुक्ती करण्यात आली. रणजित सिंह देवोल यांची शिक्षण सचिवपदावरून अन्न, नागरी पुरवठा व ग्राहक संरक्षण विभागाच्या प्रधान सचिवपदी बदली करण्यात आली. शिक्षण विभागाच्या प्रधान सचिवपदी नियुक्त झालेल्या महिला सनदी अधिकारी कुंदन या अल्पसंख्याक विभागाच्या प्रधान सचिवपदी मागील जून महिन्यापासून कार्यरत होत्या. आता निवडणुकीच्या पार्श्वभूमीवर आणि नवीन शैक्षणिक वर्षाला केवळ दीड महिना शिल्लक असताना त्यांची नियुक्ती झाली असल्याने त्यांना अनेक आव्हानांना सामोरे जावे लागणार असल्याची शक्यता व्यक्त केली जात आहे.