कोकण पदवीधरसाठी किशोर जैन यांना उमेदवारी

मुंबई, ता. ६ : कोकण पदवीधर मतदारसंघात शिवसेना (उद्धव ठाकरे) गटाकडून किशोर जैन यांना उमेदवारी जाहीर करण्यात आली आहे. बेलापूर येथील कोकण भवन येथे शुक्रवारी (ता. ७) सकाळी ११ वाजता ते अर्ज दाखल करतील.
रायगडमधील नागोठण्याचे किशोर जैन यांच्या शिक्षणसंस्था आहेत. ठाकरे कुटुंबीयांचे एकनिष्ठ म्हणून ओळखले जातात. रायगड जिल्हा परिषद सदस्य असलेले जैन हे आता पाच जिल्ह्यांत पसरलेल्या कोकण पदवीधर मतदारसंघाच्या लढाईत उतरत आहेत. कोकण पदवीधर मतदारसंघात यापूर्वी भाजपकडून निरंजन डावखरे आणि मनसेकडून अभिजित पानसे यांना उमेदवारी जाहीर झाली आहे. तर काँग्रेसकडून रमेश कीर मैदानात आहेत.