व्यावसायिक अभ्यासक्रम प्रवेशाचा मार्ग मोकळा

व्यावसायिक अभ्यासक्रम प्रवेशाचा मार्ग मोकळा

Published on

मुंबई, ता. ४ : उच्च व तंत्र शिक्षण आणि कृषी विभागाच्या अंतर्गत येणाऱ्या तब्बल २० हून अधिक व्यावसायिक अभ्यासक्रमाच्या मुख्य प्रवेशासाठी सीईटी सेलकडून कॅप राऊंड प्रक्रिया आणि त्याच्या तारखा आज जाहीर करण्यात आल्या. यामुळे आतापर्यंत रखडलेल्या विविध व्यावसायिक अभ्यासक्रमांच्या प्रवेशाचा मार्ग मोकळा झाला आहे, तसेच तारखा तात्पुरत्या असून काही बदल होण्याची शक्यताही सीईटी सेलने व्यक्त केली आहे.
तंत्र शिक्षण संचालनालयाच्या अंतर्गत येणाऱ्या इंजिनिअरिंग फार्मसी, बी डिझाईन, एमसीए, एमबीए आदी १२ अभ्यासक्रमांच्या प्रवेशाचे कॅप राऊंड आणि त्याच्या तात्पुरत्या तारखा सीईटी सेलकडून जाहीर करण्यात आल्या आहेत. त्यासोबतच दुसऱ्या वर्षातील फार्मसी आणि इंजिनिअरिंग प्रवेशाच्या कॅप राऊंडच्या तारखादेखील जाहीर करण्यात आल्या आहेत. उच्च शिक्षण विभागाच्या अंतर्गत येणाऱ्या विधी ३ आणि ५ वर्षाचे निकाल जाहीर करून बराच कालावधी उलटला होता, मात्र त्या संदर्भातील प्रवेशाचे कॅप राऊंड जाहीर करण्यात आले नसल्याने प्रवेश प्रक्रिया रखडली होती. ती आता लवकरच सुरू होणार आहे. या विभागाच्या अंतर्गत येणाऱ्या विधी प्रवेशासोबतच बीएस्‍सी बीएड, बीए बीएड आदी अभ्यासक्रमांच्या प्रवेशाचेही कॅप राऊंड आणि त्याचे प्रवेश होण्याचा मार्ग मोकळा झाला आहे.
--
अभ्यासक्रम कॅप राऊंडच्या तारखा
तंत्रशिक्षण
एमसीए ६ जुलै
एबीए, एमएमएस ९ जुलै
एमई, एम. टेक ९ जुलै
एम.आर्च ९ जुलै
बीई, बी. टेक १० जुलै
बी. फार्मसी, फार्मा डी ११ जुलै
बी. एचएचसीटी ११ जुलै
बी डिझाईन १२ जुलै
एम. फार्मा १३ जुलै
एम. एचएचसीटी १३ जुलै
द्वितीय वर्षे इंजिनिअरिंग १६ जुलै
द्वितीय वर्षे फार्मसी १६ जुलै
---
उच्च शिक्षण
एलएचबी-५ वर्षे ८ जुलै
बीए, बीएस्सी-बीएड ८ जुलै
बी.एड-एम.एड ८ जुलै
एलएचबी-३ वर्षे १० जुलै
बीपीएड ११ जुलै
एमपीएड ११ जुलै
बी.एड १२ जुलै
एम.एड १२ जुलै

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.