आज अकरावी ऑनलाईन प्रवेशाची दुसरी गुणवत्ता यादी

आज अकरावी ऑनलाईन प्रवेशाची दुसरी गुणवत्ता यादी

अकरावी ऑनलाईन प्रवेशाची दुसरी गुणवत्ता यादी आज
मुंबई, ता. ९ : मुंबई महानगर क्षेत्रासह पुणे, पिंपरी चिंचवड, नाशिक, अमरावती आणि नागपूर महापालिका क्षेत्रातील कनिष्ठ महाविद्यालयातील अकरावीच्या ऑनलाईन प्रवेशाची दुसरी गुणवत्ता यादी बुधवारी (ता. १०) जाहीर केली जाणार आहे.
दुसऱ्या यादीत कॉलेज मिळाल्यास प्रवेश घेण्यासाठी १० ते १२ जुलै सायंकाळी ६ वाजेपर्यंत मुदत देण्यात आली आहे. प्रवेश घ्यायचा असल्यास विद्यार्थ्यांनी लॉगिनमध्ये ‘प्रोसिड टू ॲडमिशन’वर क्लिक करून कागदपत्रे अपलोड करावीत व कॉलेजमध्ये जात प्रवेश घ्यावा. तसेच प्रवेश घ्यायचे नसेल, तर विद्यार्थी पुढील प्रवेश फेरीसाठी वाट पाहू शकतात; मात्र दुसऱ्या यादीनंतर नियमित प्रवेशाची केवळ एकच फेरी होणार आहे. पहिल्या पसंतीचे कॉलेज मिळाल्यास विद्यार्थ्यांना प्रवेश घेणे बंधनकारक आहे. हा प्रवेश नाकारल्यास किंवा न घेतल्यास विद्यार्थ्यांना पुढील फेरीत प्रवेशाची संधी मिळणार नाही. प्रवेश न घेणाऱ्या विद्यार्थ्यांना पुढील एका फेरीसाठी प्रतिबंधित केले जाणार असल्याचे शिक्षण विभागाकडून सांगण्यात आले.

..
आतापर्यंत झालेले प्रवेश
कोटा उपलब्ध जागा एकूण प्रवेश

ऑनलाईन २,२९,००३ ५७,४५०
इनहाऊस २६,२२५ ५४४२
अल्पसंख्याक १,०७,०१५ १३,०३४
व्यवस्थापन १८,५९३ ६५१
एकूण ३,८०,८३६ ७६,५७७

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com