लैंगिक अत्याचाराच्या तीन घटना

मुंबई : लैंगिक अत्याचाराच्या विविध प्रकरणांत सोमवारी पोलिसांनी मदरशातील मौलानासह अन्य दोघांवर कारवाई केली आहे. यात एका अल्पवयीन मुलाचा समावेश आहे. पहिल्या घटनेत पूर्व उपनगरात राहणाऱ्या सतरा वर्षांच्या मुलीसोबत मौलानाने अश्लील चाळे केले होते. याप्रकरणी तक्रार नोंदवल्यानंतर पोलिसांनी गुन्हा नोंदवला; तर दुसऱ्या घटनेत याच परिसरातील एका १२ वर्षांच्या मुलावर १४ वर्षांच्या मुलाने अनैसर्गिक अत्याचार केला आहे. याप्रकरणात पोलिसांनी आरोपीला बाल सुधारगृहात पाठवले आहे; तर आणखी एका घटनेत तरुणीला अश्लील शेरेबाजी करणाऱ्या तरुणाला पोलिसांनी बेड्या ठोकल्या आहेत.